Віктар Пятровіч Скіба

Віктар Пятровіч Скі́ба (17 студзеня 1956, в. Сынкавічы, Зэльвенскі раён, Гродзенская вобласць — 28 жніўня 2000) — беларускі фтызіятр, доктар медыцынскіх навук (1995), прафесар (1999).

Віктар Пятровіч Скіба
Дата нараджэння	17 студзеня 1956(1956-01-17)
Месца нараджэння	Сынкавічы, Сынкавіцкі сельсавет, Зэльвенскі раён, Гродзенская вобласць, БССР, СССР
Дата смерці	28 жніўня 2000(2000-08-28) (44 гады)
Грамадзянства	СССР  Беларусь
Род дзейнасці	навуковец
Навуковая сфера	фтызіятрыя[d]
Месца працы	Рэспубліканскі навукова-практычны цэнтр пульманалогіі і туберкулёзу БелМАПА
Навуковая ступень	доктар медыцынскіх навук (1995)
Навуковае званне	прафесар
Альма-матар	Мінскі медыцынскі інстытут (1979)
Прэміі	Прэмія Ленінскага камсамола Беларусі (1984)

Біяграфія

Нарадзіўся ў сям’і служачых. Скончыў Магілевецкую сярэднюю школу Брэсцкай вобласці ў 1973 годзе. У тым жа годзе паступіў у Гродзенскі медыцынскі інстытут, быў пераведзены ў Мінскі медыцынскі інстытут, які скончыў у 1979 годзе. Працаваў малодшым навуковым супрацоўнікам БелНДІ туберкулёзу, дзе падрыхтаваў кандыдацкую дысертацыю. Праца адзначана прэміяй Ленінскага Камсамола Беларусі ў 1984 годзе. У 1986 г. абараніў кандыдацкую дысертацыю. Працаваў лабарантам, асістэнтам кафедры фтызіятрыі і пульманалогіі БелДІУУ (1985—1996 гг.). Абараніў доктарскую дысертацыю ў 1996 годзе і зацверджаны ў званні дацэнта (1996 г.), прафесара (1999 г.).

Навуковая дзейнасць

Аўтар навуковых прац па функцыянальнай дыягностыцы абструкцыйнага сіндрому ў хворых з лёгачнай паталогіяй. Аўтар больш за 70 публікацый.

Літаратура

• Скіба Віктар Пятровіч // Беларуская энцыклапедыя: У 18 т. Т. 14: Рэле — Слаявіна / Рэдкал.: Г. П. Пашкоў і інш. — Мн. : БелЭн, 2002. — Т. 14. — С. 453. — 10 000 экз. — ISBN 985-11-0035-8. — ISBN 985-11-0238-5 (т. 14).

Спасылкі

• Скіба Віктар Пятровіч на сайце анлайн-энцыклапедыі «Беларусь у асобах і падзеях»
• Скиба Виктор Петрович (руск.) // Сайт БелМАПА