Віктар Пятровіч Супрунчук

Віктар Пятровіч Супрунчук (7 снежня 1949, в. Сялец, Бярозаўскі раён, Брэсцкая вобласць) — беларускі пісьменнік.

Віктар Пятровіч Супрунчук
Асабістыя звесткі
Дата нараджэння	7 снежня 1949(1949-12-07) (74 гады)
Месца нараджэння	Сялец, Сялецкі сельсавет, Бярозаўскі раён, Брэсцкая вобласць, БССР, СССР
Грамадзянства	СССР  Беларусь
Альма-матар	Белаазёрскае прафесійна-тэхнічнае вучылішча электратэхнікі № 82[d] (1968) факультэт журналістыкі БДУ (1976)
Месца працы	Сельская газета Полымя
Прафесійная дзейнасць
Род дзейнасці	пісьменнік
Грамадская дзейнасць
Член у	Саюз беларускіх пісьменнікаў Саюз пісьменнікаў Беларусі

Біяграфія

Нарадзіўся ў сялянскай сям'і. Пасля заканчэння Сялецкай сярэдняй школы (1967) працаваў грузчыкам на Нова-Бярозаўскім вапнавым заводзе, вучыўся ў Белаазёрскім прафесійна-тэхнічным вучылішчы № 82 электратэхнікі (скончыў у 1968). У 1968—1970 гг. служыў у Савецкай Арміі. Працаваў электрамантажнікам і электразваршчыкам у трэсце «Электрацэнтрмантаж». Скончыў факультэт журналістыкі Беларускага дзяржаўнага ўніверсітэта (1976). Працаваў карэспандэнтам шматтыражнай газеты «Электрон» завода ЭВМ імя Арджанікідзэ. З 1977 г. — спецыяльны карэспандэнт «Сельской газеты», з 1981 г. — рэдактар аддзела літаратуры Беларускага тэлебачання, з 1983 г. — загадчык аддзела нарыса, з 1986 г. — старшы рэдактар аддзела прозы часопіса «Полымя». З 1990 г. — намеснік старшыні СП Беларусі. Член СП СССР з 1985 г.

Творчасць

Друкуецца з 1977 г. Аўтар зборнікаў апавяданняў і аповесцей «Страсці» (1983), «Недзе баліць ля сэрца» (1986), «Набат» (1989), аповесці «Банальны дэтэктыў» (1989), раманаў «Жывеш толькі раз» (1988) і «З плоці і крыві» (часопіс «Полымя», 1990).

Літаратура

• Саламевіч І. У. Супрунчу́к Віктар Пятровіч // Беларуская энцыклапедыя: У 18 т. Т. 15: Следавікі — Трыо / Рэдкал.: Г. П. Пашкоў і інш. — Мн. : БелЭн, 2002. — Т. 15. — С. 276. — 10 000 экз. — ISBN 985-11-0035-8. — ISBN 985-11-0251-2 (т. 15).