Валерый Мікалаевіч Малышкін

Валерый Мікалаевіч Малышкін (22 верасня 1937, Раслаўль, Смаленская вобласць) — беларускі архітэктар.

Валерый Мікалаевіч Малышкін
Дата нараджэння	22 верасня 1937(1937-09-22) (87 гадоў)
Месца нараджэння	Рослаўль, Рослаўльскі раён, Заходняя вобласць, РСФСР, СССР
Альма-матар	БПІ (1960)
Месца працы	Дзіпрасельбуд Белдзіпрааграхарчпрам Белпрамбудпраект Беллегпрампраект[d] Белкамунпраект Белдзіпрагандаль
Член у	Саюз архітэктараў СССР Беларускі саюз архітэктараў

Біяграфія

Скончыў Беларускі політэхнічны інстытут у 1960 годзе. Працаваў у Белдзіпрасельбудзе, Белдзіпрахарчпраме, Белмясцпрампраекце, ДПІ-12, у Белкамунпраекце, з 1978 года — галоўны архітэктар праектаў у Белдзіпрагандлі.

Член Саюза архітэктараў СССР з 1975 года. Пражывае ў Мінску.

Творчасць

Праектна-канструктарскі і тэхналагічны інстытут па Радыяльнай вуліцы

Асноўныя працы: НДІ прамысловасці першаснай апрацоўкі лубяных валокнаў (1976), Рэспубліканская аптова-гандлёвая кніжная база па вул. Каржанеўскага (1979, дыплом I ступені ВДНГ БССР, 1983); у аўтарскім калектыве: блок цэхаў трактарнага завода па вул. Радыяльнай (1978, бронзавы медаль ВДНГ СССР, 1980), рэканструкцыя адміністрацыйна-бытавых карпусоў камвольнага камбіната (1979), гандлёва-грамадскі цэнтр «Валгаград» у мікрараёне Паўднёвы Захад-2 (1980, дыплом I ступені ВДНГ БССР, 1987), МКПТІ трактарных вузлоў і дэталяў (1980), сталовая Інстытута культуры (1981) у Мінску.

Літаратура

• Малышкин Валерий Николаевич // Архитекторы Советской Белоруссии: Биогр. справочник / Союз архитекторов БССР; Сост. В. И. Аникин и др. — Мн.: Беларусь, 1991. — 262 с. — ISBN 5-338-00611-1. (руск.)