Генрых Хрыстафоравіч Татур
Генрых Хрыстафоравіч Татур (17 верасня 1846[1], Мінск — 1907) — беларускі гісторык, археолаг, краязнавец, калекцыянер.
| Генрых Хрыстафоравіч Татур | |
|---|---|
| Дата нараджэння | 17 верасня 1846 |
| Месца нараджэння | |
| Дата смерці | 1907 |
| Грамадзянства | |
| Бацька | Хрызастом Лаўрэнцій Дамінік Татур |
| Род дзейнасці | навуковец |
 Творы ў Вікікрыніцах | |
Біяграфія
правіцьДробны чыноўнік Мінскага губернскага статыстычнага камітэта, павятовы маршалак дваранства. З 1874 года вёў археалагічныя раскопкі ў Мінскай губерні, склаў яе археалагічную карту з апісаннем помнікаў. У 1884—1885 гадах заснаваў часовы археалагічны музей у Беразіно. У 1890 годзе правёў раскопкі 120 курганоў каля вёсак Дулебы і Няюнішчы Ігуменскага павета, 1892 годзе — 40 курганоў каля вёскі Станькава, у 1893 годзе — 40 курганоў каля вёскі Прылукі Мінскага павета.
Аўтар кнігі «Археалагічнае значэнне Мінскай губерні» (1878), «Нарыса археалагічных помнікаў на прасторы Мінскай губерні і яе археалагічнага значэння» (1892). У выніку паездак па Міншчыне падрыхтаваў вялікі альбом археалагічных помнікаў (1893). Стварыў у Мінску багаты прыватны музей па гісторыі матэрыяльнай культуры Беларусі і ўнікальную бібліятэку. Падтрымліваў сувязі з Карусём Каганцом, мінскімі гімназістамі. Пасля смерці навукоўца яго зборы прададзеныя за мяжу. Некалькі прац захавалася ў рукапісах.
Крыніцы
правіць- ↑ ТАТУР ГЕНРИХ ХРИЗОСТОМОВИЧ (руск.). Род фамилии Татур. Праверана 30.09.2016.
Літаратура
правіць- Каханоўскі Г. А. Тату́р Генрык Хрыстафоравіч // Беларуская энцыклапедыя: У 18 т. Т. 15: Следавікі — Трыо / Рэдкал.: Г. П. Пашкоў і інш. — Мн. : БелЭн, 2002. — Т. 15. — С. 457. — 10 000 экз. — ISBN 985-11-0035-8. — ISBN 985-11-0251-2 (т. 15).
- Памяць: Гіст.-дакум. хроніка Мінска. У 4 кн. Кн. 1-я. — Мн.: БЕЛТА, 2001. — 576 с.: іл. — ISBN 985-6302-33-1.
- Каханоўскі Г. Тату́р Генрык Хрыстафоравіч // Энцыклапедыя гісторыі Беларусі. У 6 т. Т. 6. Кн. 1: Пузыны — Усая / Рэдкал.: Г. П. Пашкоў (галоўны рэд.) і інш.; Маст. Э. Э. Жакевіч. — Мн. : БелЭн, 2001. — С. 512. — 10 000 экз. — ISBN 985-11-0214-8.
- Дзярновіч А. Мінскі антыквар і археолаг Генрых Татур ва ўспамінах і ліставанні // Знакамітыя мінчане ХІХ—ХХ стст. Вып. 6: Мінск і мінчане ў літаратурных творах на рубяжы ХІХ—ХХ стст. / Інстытут Польскі ў Мінску. — Мн.: Выдавец Віктар Хурсік, 2011. — С. 178—183. — Эл.рэсурс pawet.net