Вікіпедыя

Гомельскі тлушчавы камбінат

прамысловае прадпрыемства Беларусі

Гомельскі тлушчавы камбінат — беларускае прадпрыемства, размешчанае ў Навабеліцкім раёне Гомеля.

Гомельскі тлушчавы камбінат
Тып прадпрыемства
Заснаванне 1932[1]
Краіна
Размяшчэнне
Адрас
Галіна маслатлушчавая прамысловасць[d] і прамысловасць[3]
Прадукцыя Мыла, маянэз, Маргарын, кетчуп і алей
Чысты прыбытак
  • 611 тыс. Br (2021)[5]
Колькасць супрацоўнікаў
  • 700 чал. (2017)[6]
Матчына кампанія Белдзяржхарчпрам
Сайт gjk.by (руск.)
gjk.by

Гісторыя

правіць

У 1928 годзе ў адпаведнасці з першым пяцігадовым планам развіцця народнай гаспадаркі СССР ў Гомелі пачалося будаўніцтва маргарынавага завода, у 1932 годзе ён быў уведзены ў эксплуатацыю. У 1935 годзе быў уведзены ў эксплуатацыю мылаварны завод. У 1936 годзе здадзены ў эксплуатацыю гідрагенізацыйны завод, і прадпрыемствы аб’ядналі ў тлушчавы камбінат. Пасля пачатку Вялікай Айчыннай вайны ў сувязі з набліжэннем да горада лініі фронту камбінат быў эвакуіраваны ў Троіцк[7][8]. Да 1948 году камбінат адноўлены[7].

Да 1956 года камбінат уваходзіў у Галоўнае ўпраўленне маргарынавай прамысловасці «Галоўмаргарынпрам» Наркамата (з 1946 года — Міністэрства) харчовай прамысловасці СССР, у 1956 годзе перададзены ў падпарадкаванне Міністэрству прамысловасці харчовых тавараў БССР, у 1957 годзе — Савету народнай гаспадаркі БССР, у 1965 годзе — Усесаюзнаму аб’яднанню маргарынавай прамысловасці «Саюзмаргарынпрам» Міністэрства харчовай прамысловасці СССР. У 1965 годзе камбінат быў перададзены Дзяржаграпраму БССР.

12 ліпеня 1966 года ўзнагароджаны ордэнам Працоўнага Чырвонага Сцяга «за дасягнутыя поспехі ў выкананні заданняў сямігадовага плана, шырокае ўкараненне новай тэхнікі, перадавой тэхналогіі і дасягненне высокіх тэхніка-эканамічных паказчыкаў у працы». У 1967 годзе былі пабудаваны маянэзны цэх (праектная магутнасць — 600 т у год) і цэх туалетнага мыла (праектная магутнасць — 7300 т у год). Некаторы час на камбінаце працавалі цэхі па вытворчасці сычужнага сыру на расліннай аснове і сінтэтычных мыйных сродкаў, пасля іх вытворчасць была перададзена іншым прадпрыемствам[8].

У цэлым, у савецкі час камбінат уваходзіў у лік найбуйнейшых прадпрыемстваў горада[9]. Вырабляліся маянэзы, маргарыны, дзіцячае мыла. Прадукцыя камбіната пастаўлялася не толькі ва ўсе рэспублікі Савецкага Саюза, але і ў іншыя сацыялістычныя краіны[10].

З 1991 года ўваходзіць у канцэрн «Белдзяржхарчпрам» Міністэрства сельскай гаспадаркі і харчавання Рэспублікі Беларусь[11].

У чэрвені 2008 года ААТ «Гомельскі тлушчавы камбінат» узнагароджаны дыпломам I ступені да залатога медаля «За высокую якасць прадукцыі»[12]

У 2010-я гады эканамічнае становішча прадпрыемства пагоршылася. У 2014 годзе камбінат распачаў «народнае IPO» па продажы акцый фізічным асобам, але прадаў невялікую іх колькасць. 23 лістапада 2018 года па ўзгадненні з Гомельскім аблвыканкамам і крэдыторамі (прыватнымі і дзяржаўнымі банкамі) пачаўся разгляд справы аб эканамічнай неплацежаздольнасці кампаніі. 26 сакавіка 2019 года суд устанавіў працэдуру санацыі прадпрыемствы да 29 верасня 2020 года[13][14][15].

Сучасны стан

правіць

Станам на 2018 год прадпрыемства валодала магутнасцямі па вытворчасці 10,5 тыс. т маргарынавай прадукцыі ў год, 10 тыс. т маянэзу, 10 тыс. т фасаванага расліннага алею, 8,9 тыс. т гаспадарчага мыла і 5,1 тыс. т туалетнага мыла[16]. У 2018 годзе было выраблена 2,9 тыс. т маянэзу, 1,8 тыс. т гаспадарчага мыла, 1,4 тыс. т маргарыну, 1 тыс. т расліннага алею налівам, 0,5 тыс. т туалетнага мыла, па 0,1 тыс. т кетчупа і расліннага алею бутыляванага. На прадпрыемстве было занята 690 чалавек[16]. У 2018 годзе 49% выручкі было атрымана ад рэалізацыі маянэзу, 28% — ад рэалізацыі туалетнага і гаспадарчага мыла, 20 — ад рэалізацыі маргарынавай прадукцыі, 2 — ад рэалізацыі бутыляванага расліннага алею[16].

97,7% прадукцыі было рэалізавана на ўнутраным рынку, 2,3 % — на знешнім[16]. Паводле ацэнкі прадпрыемства, яно займае 45 % рынку Рэспублікі Беларусь па мыле гаспадарчым, 14% па туалетным, 8% па маянэзе, 4% па маргарынавай прадукцыі, 3% па кетчупе, 1% па фасаваным раслінным алеі[16].

Крыніцы

правіць
  1. ↑ Зводны электронны каталёг бібліятэк Беларусі — 2015.
  2. ↑ Звязда — Выдавецкі дом «Звязда», 2014. — вып. 71 (27681). — С. 4. — 14804 экз. — ISSN 1990-763X Праверана 29 ліпеня 2023.
  3. ↑ а б Беларускае тэлеграфнае агенцтва — 2022. Праверана 29 ліпеня 2023.
  4. ↑ Беларуская Вікіпедыя (тарашкевіца) — 2004. Праверана 29 ліпеня 2023.
  5. ↑ Звязда — Выдавецкі дом «Звязда», 2022. — 14804 экз. — ISSN 1990-763X Праверана 29 ліпеня 2023.
  6. ↑ Беларуская служба Радыё «Свабода» — 2017. Праверана 29 ліпеня 2023.
  7. ↑ а б Го́мельскі тлу́шчавы камбіна́т. 348 // Беларуская энцыклапедыя: У 18 т. Т. 5: Гальцы — Дагон / Рэдкал.: Г. П. Пашкоў і інш. — Мн. : БелЭн, 1997. — Т. 5. — 576 с. — 10 000 экз. — ISBN 985-11-0035-8. — ISBN 985-11-0090-0 (т. 5).
  8. ↑ а б История. Архівавана з першакрыніцы 14 чэрвеня 2020. Праверана 14 чэрвеня 2020.
  9. ↑ Гомель // Большая Советская Энциклопедия. / под ред. А. М. Прохорова. 3-е изд. том 7. М., «Советская энциклопедия», 1972.
  10. ↑ Гомельский жировой комбинат. Архівавана з першакрыніцы 14 чэрвеня 2020. Праверана 14 чэрвеня 2020.
  11. ↑ Гомельский ордена Трудового Красного Знамени жировой комбинат Архівавана 14 чэрвеня 2020. на сайте «Архивы Беларуси» (Фондовый каталог государственных архивов Республики Беларусь)
  12. ↑ Гомельский жировой комбинат. Архівавана з першакрыніцы 14 чэрвеня 2020. Праверана 14 чэрвеня 2020.
  13. ↑ ОАО «Гомельский жировой комбинат». Архівавана з першакрыніцы 14 чэрвеня 2020. Праверана 14 чэрвеня 2020.
  14. ↑ Гомельский жировой комбинат: план санации утвержден. Срок — 18 месяцев. Архівавана з першакрыніцы 14 чэрвеня 2020. Праверана 14 чэрвеня 2020.
  15. ↑ Гомельский жировой комбинат ушел в банкротство. Четыре года назад его акции хотели продать народу. Архівавана з першакрыніцы 14 чэрвеня 2020. Праверана 14 чэрвеня 2020.
  16. ↑ а б в г д Информационный меморандум. Архівавана з першакрыніцы 14 чэрвеня 2020. Праверана 14 чэрвеня 2020.

Спасылкі

правіць
Узята з "https://be.wikipedia.org/w/index.php?title=Гомельскі_тлушчавы_камбінат&oldid=4804792"