Давід Сільва

Даві́д Хасуэ́ Хіме́нес Сі́льва (ісп.: David Josué Jiménez Silva; нар. 8 студзеня 1986, Аргінегін, Канарскія астравы, Іспанія) — іспанскі футбаліст, паўабаронца клуба «Рэал Сасьедад» і былы ігрок нацыянальнай зборнай Іспаніі. Чэмпіён свету 2010, чэмпіён Еўропы 2008 і 2012 у складзе нацыянальнай каманды. Давід з’яўляецца ўніверсальным іграком, які здольны гуляць на абодвух флангах і ў цэнтры паўабароны. Адной з галоўных якасцей Сільвы лічыцца ўмелая арганізацыя каманднай гульні. Давід выдатна бачыць поле, валодае добрым «апошнім» пасам, пастаўленым ударам, якім, праўда, карыстаецца зрэдку.

Давід Сільва
Агульная інфармацыя
Поўнае імя	Давід Хасуэ Хіменес Сільва
Мянушка	Кітаец (Chino), Мерлін
Нарадзіўся	8 студзеня 1986(1986-01-08) (37 гадоў) Аргінегін[d], муніцыпалітэт Моган[d], Лас-Пальмас, Канарскія астравы, Іспанія
Грамадзянства	Іспанія
Рост	170 см
Вага	67 кг
Пазіцыя	паўабаронца
Інфармацыя пра клуб
Клуб	Рэал Сасьедад
Нумар	21
Маладзёжныя клубы
1995—2000 Сан-Фернанда 2000—2003 Валенсія
Клубная кар’ера
2003—2004 Валенсія Месталья 14 (1) 2004—2010 Валенсія 119 (21) 2004—2005 →  Эйбар 35 (5) 2005—2006 →  Сельта 34 (4) 2010—2020 Манчэстэр Сіці 309 (60) 2020— Рэал Сасьедад
Нацыянальная зборная
2001—2002 Іспанія (да 16) 6 (2) 2003—2004 Іспанія (да 17) 20 (5) 2004—2005 Іспанія (да 19) 14 (5) 2001—2002 Іспанія (да 20) 5 (4) 2004—2006 Іспанія (да 21) 9 (7) 2006—2018 Іспанія 125 (35)
Узнагароды і медалі
Чэмпіянаты свету Золата ПАР 2010 Кубкі канфедэрацый Бронза ПАР 2009 Срэбра Бразілія 2013 Чэмпіянаты Еўропы Золата Аўстрыя/Швейцарыя 2008 Золата Польшча/Украіна 2012
Медыяфайлы на Вікісховішчы

Кар’ера

Клубная

Кар’ера Давіда пачалася ў «Эйбары», куды ён перайшоў на правах арэнды з «Валенсіі», забіўшы за сезон 5 галоў. У сезоне 2005/06 Сільва быў аддадзены ў арэнду ў «Сельту», дзе згуляўшы 34 матчы і забіўшы 4 галы, зарэкамендаваў сябе як будучая зорка. 21 чэрвеня 2007 года Сільва падоўжыў кантракт з «Валенсіяй» на сем гадоў.

30 чэрвеня 2010 года было абвешчана аб пераходзе Давіда ў «Манчэстэр Сіці». Сума трансферу склала 28,5 мільёнаў еўра, а кантракт з «гараджанамі» быў разлічаны на 5 гадоў. У новым клубе Сільва раскрыўся па новаму, на пару з Тэвесам, іспанец быў прызнаны спецыялістамі адным з самых грозных ігракоў у лізе. У сезоне 2011/12, не зважаючы на тое, што да клуба далучыліся такія майстры, як Серхіа Агуэра і Самір Насры, Давід не толькі не згубіўся ў іх зорнай кампаніі, але і стаў вылучацца на іх фоне. У 2019 годзе стаў капітанам каманды.

У жніўні 2020 года перайшоў у «Рэал Сасьедад».

Міжнародная

Давід дэбютаваў у нацыянальнай зборнай Іспаніі ў таварыскім матчы супраць зборнай Румыніі 15 лістапада 2006 года. Ён таксама згуляў у пераможным матчы супраць зборнай Англіі. Паказаўшы добрую гульню ў першых матчах, Сільва захаваў месца ў зборнай. У таварыскім матчы супраць зборнай Грэцыі 22 жніўня 2007 года, які завяршыўся перамогай іспанцаў з лікам 3:2, Сільва забіў 2 галы. Давід браў удзел у трыўмфальным для іспанскай зборнай чэмпіянаце Еўропы 2008, у паўфінальным матчы супраць зборнай Расіі, якая скончылася з лікам 3:0 на карысць пірэнейцаў, ігрок забіў трэці гол на 82-й хвіліне.

Дасягненні

Клубныя

Валенсія:

• Уладальнік Кубка Іспаніі: 2008
• Бронзавы прызёр чэмпіянату Іспаніі: 2010

Манчэстэр Сіці:

• Чэмпіён Англіі (4): 2012, 2014, 2018, 2019
• Уладальнік Кубка Англіі (2): 2011, 2019
• Уладальнік Кубка Футбольнай лігі (5): 2014, 2016, 2018, 2019, 2020
• Уладальнік Суперкубка Англіі (2): 2012, 2019

Рэал Сасьедад:

• Уладальнік Кубка Іспаніі: 2020

Міжнародныя

Іспанія

• Чэмпіён свету: 2010
• Чэмпіён Еўропы (2): 2008, 2012

Спасылкі

• На Вікісховішчы ёсць медыяфайлы па тэме Давід Сільва
• Профіль на сайце transfermarkt.com (англ.)
• Статыстыка на сайце National Football Teams (англ.)
• Профіль на сайце by.tribuna.com (руск.)
• Профіль на сайце soccerway.com (руск.)
• Профіль на сайце BDFutbol.com (англ.)
• Статыстыка на сайце UEFA.com (руск.)
• Статыстыка на сайце FIFA (англ.)
• Статыстыка на сайце soccerbase.com (англ.)