Дзьюла Іеш
Дзью́ла І́еш (2 лістапада 1902, Фельшэрацэгрэшпуста, медзье Тольна — 15 красавіка 1983, Будапешт) — венгерскі паэт, пісьменнік і перакладчык, адзін з лідараў «народных пісьменнікаў» — рэалістычнага кірунку ў венгерскай літаратуры другой чвэрці XX стагоддзя.
| Дзьюла Іеш | |
|---|---|
| Gyula Illyés | |
.jpg) | |
| Асабістыя звесткі | |
| Дата нараджэння | 2 лістапада 1902[1][2][…] |
| Месца нараджэння | |
| Дата смерці | 15 красавіка 1983[2][3][…] (80 гадоў) |
| Месца смерці | |
| Пахаванне | |
| Грамадзянства | |
| Жонка | Flóra Kozmutza[d] |
| Альма-матар | |
| Месца працы | |
| Прафесійная дзейнасць | |
| Род дзейнасці | паэт, пісьменнік, перакладчык |
| Грамадская дзейнасць | |
| Партыя | |
| Член у | |
| Прэміі | Прэмія імя Кошута, Прэмія імя Атылы Ёжэфа, Прэмія імя Баўмгартэна |
| Узнагароды | |
 Медыяфайлы на Вікісховішчы | |
Творчасць
правіцьЯк паэт пачынаў пад уплывам экспрэсіянізму і сюррэалізму, паступова пераходзячы да рэалістычнага метаду. У 1950-1960-я гг. ў яго паэзіі ўзмацніліся экзістэнцыялісцкія тэндэнцыі. У творах Іеша праблемы нацыянальнай памяці, узаемадачынення гісторыі і сучаснасці, асобы і улады, індывідуальнага і народнага быцця: паэтычныя зборнікі «Цяжкая зямля» (1928), «Скошаныя шэрагі» (1930), «Пад лятучымі нябёсамі» (1935), «Гармонія сярод руін» (1937), «Гледзячы ў вочы» (1947), «Поціскі рук» (1956), «Нахілены ветразь» (1965), «Незакончаныя вершы» (1971), «Дзіўны тэстамент» (1977), шматлікія паэмы. Аўтар раманаў «Людзі пушты» (1936), «У ладдзі Карона, або Сімптомы старасці» (1969), «Пажы Беатрычэ» (1979); драм «Псіхааналітык» (1948), «Прыклад Азоры», «Полымя паходні» (абедзве 1952), «Фаварыт» (1963), «Чыстыя» (1969), «Усё ці нічога, або Два жыцці ці ніводнага» (1974) і інш.; дарожных нататак «Расія» (1935), біяграфічнай кнігі «Пецёфі» (1936), крытычных артыкулаў і інш.
Верш «Настылы дом» пераклаў на беларускую мову Сяргей Грахоўскі[4].
Зноскі
- ↑ Gyula Illyes // Encyclopædia Britannica Праверана 9 кастрычніка 2017.
- ↑ а б Gyula Illyés // Brockhaus Enzyklopädie
- ↑ Gyula Illyes // GeneaStar
- ↑ Галасы з-за небакраю: анталогія паэзіі свету ў беларускіх перакладах ХХ ст. Склад. М. Скобла. — Мн.: Лімарыус 2008. — 896 с.
Літаратура
правіць- Беларуская энцыклапедыя: У 18 т. Т. 7: Застаўка — Кантата / Рэдкал.: Г. П. Пашкоў і інш. — Мн. : БелЭн, 1998. — Т. 7. — 604 с. — 10 000 экз. — ISBN 985-11-0035-8. — ISBN 985-11-0130-3 (т. 7).
Спасылкі
правіць
На Вікісховішчы ёсць медыяфайлы па тэме Дзьюла Іеш- Біяграфія на сайце праекта Венгерская літаратура Архівавана 15 кастрычніка 2015. (англ.)
