Дом па Савецкай вуліцы, 2 (Пінск)

Дом па Савецкай вуліцы, 2 — будынак у гістарычным цэнтры Пінска, на рагу з вуліцай Кулікова.

Славутасць
Дом па Савецкай вуліцы, 2
52°06′57″ пн. ш. 26°06′52″ у. д.
Краіна	Беларусь
Месцазнаходжанне	Пінск
Архітэктурны стыль	цагляны стыль[d]
Дата пабудовы	пачатак XX ст.
Статус	Гісторыка-культурная каштоўнасць Беларусі, шыфр 112Е000529
Медыяфайлы на Вікісховішчы

Пабудаваны ў пачатку XX ст. У будынку размешчана гандлёвае прадпрыемства.

Архітэктура

Задні фасад

План 1-га паверха часткі дома, якая выходзіць на Савецкую вуліцу

Двухпавярховы цагляны дом вузкім тарцовым фасадам выходзіць на вул. Савецкую. Сіметрычна-восевая кампазіцыя фасада падкрэслена ў цэнтры ўваходным рызалітам, завершаным фігурным атыкам з пінаклямі. Уваход вылучаны лучковым франтонам. Пластыка фасада ствараецца вуглавымі лапаткамі, лучковымі клінападобнымі аркамі аконных праёмаў, прафіляваным карнізам з аркатурным фрызам. Уваход на 2-і паверх з боку двара праз самастойную лесвічную клетку. У архітэктуры выкарыстаны пластыка-арнаментальныя якасці цаглянай муроўкі.

Літаратура

• А. М. Кулагін. 1212. Забудова вуліцы Савецкай // Збор помнікаў гісторыі і культуры Беларусі / АН БССР. Ін-т мастацтвазнаўства, этнаграфіі і фальклору; Рэд. кал.: С. В. Марцэлеў (гал. рэд.) і інш. — Мн.: БелСЭ, 1984. — Брэсцкая вобласць. — С. 285. — 368 с., іл.

Спасылкі

• На Вікісховішчы ёсць медыяфайлы па тэме Дом па Савецкай вуліцы, 2 (Пінск)