Дом сувязі (Гомель)
Дом сувязі — будынак у Гомелі, адзін з асноўных кампазіцыйных акцэнтаў ансамбля плошчы Леніна[1].
| Дом сувязі | |
|---|---|
 | |
| Краіна | |
| Месцазнаходжанне | |
| Канец будаўніцтва | 1981 |
| Архітэктурны стыль | савецкі мадэрнізм[d] |
| Колькасць паверхаў | 14 |
| Архітэктар | Рыгор Канстанцінавіч Ціхаў |
Пабудаваны ў 1981 годзе з цэглы і жалезабетону па праекце архітэктара Р. Ціхава і інжынераў Н. Даронінай, В. Дабравольскай[2]. Цяпер будынак займаюць аддзяленне паштовай сувязі № 60 і «Белтэлекам».
Архітэктура
правіцьБудынак складаецца з некалькіх рознавялікіх аб’ёмаў, згрупаваных вакол унутранага дворыка: 14- і 3-павярховы аб’ёмы арыентаваны на плошчу Леніна, 5- і 2-павярховыя — на праспект Леніна.
Кампазіцыя галоўнага фасада, арыентаванага на плошчу Леніна, заснавана на кантрасце 14-павярховага аб’ёма і выцягнутага 3-павярховага стылабата, які мае суцэльнае шкленне фасадаў, падзеленых металічнымі аконнымі рамамі[1].
Падоўжаную кампазіцыю аб’ёму ўзмацняюць вынесеныя за межы фасадаў вынесеныя за межы фасадаў гарызантальныя парапеты. 5-павярховы аб’ём вырашаны ў строгіх лаканічных формах, у афармленні фасадаў выкарыстана рэльефная апрацоўка паверхняў панэляў. Кампазіцыя фасадаў 14-павярховага аб’ёму заснавана на спалучэнні вертыкальных алюмініевых рэбраў з гарызантальнымі міжпавярховымі міжаконнямі, апрацаванымі стэмалітам[1], фасад 3-павярховага — дэкарыраваны 5 парамі свяцільняў[2]. У афармленні фасадаў і інтэр’ераў выкарыстаны дэкаратыўная тынкоўка, гранітныя і мармуровыя пліты, алюміній, стэмаліт і інш. аддзелачныя матэрыялы[1].
Унутраная планіроўка будынкаў — калідорная і анфіладная. У 14-павярховым і 3-павярховым карпусах знаходзіліся тэлеграфна-тэлефонная станцыя, абласное вытворча-тэхнічнае ўпраўленне сувязі і інш. службы, у 2-павярховым — паштамт, канферэнц-зала на 450 месцаў, сталовая і інш., у 5-павярховым — цэнтральны тэлеграф, міжгародняя тэлефонная станцыя[2].
Крыніцы
правіць- ↑ а б в г Дом связи // Витебск: Энциклопедический справочник (руск.) / Гл. редактор И. П. Шамякин. — Мн.: БелСЭ им. П. Бровки, 1988. — 408 с. — ISBN 5-85700-004-1.
- ↑ а б в г Т. I. Чарняўская. 30. Дом сувязі // Збор помнікаў гісторыі і культуры Беларусі / АН БССР. Ін-т мастацтвазнаўства, этнаграфіі і фальклору; Рэд. кал.: С. В. Марцэлеў (гал. рэд.) і інш. — Мн.: БелСЭ, 1985. — Віцебская вобласць. — 496 с., іл.
Літаратура
правіць- Т. I. Чарняўская. 30. Дом сувязі // Збор помнікаў гісторыі і культуры Беларусі / АН БССР. Ін-т мастацтвазнаўства, этнаграфіі і фальклору; Рэд. кал.: С. В. Марцэлеў (гал. рэд.) і інш. — Мн.: БелСЭ, 1985. — Гомельская вобласць. — 383 с., іл.
- Дом связи // Гомель. Энциклопедический справочник (руск.) / Гл. редактор И. П. Шамякин. — Мн.: БелСЭ им. П. Бровки, 1991. — 528 с. — ISBN 5-85700-054-8.