Жэрмэна Хэйнэ-Вагнэрэ

Жэ́рмэна Хэ́йнэ-Ва́гнэрэ (лат.: Žermēna Heine-Vāgnere; нар. 23 чэрвеня 1923, Рыга, Латвія) — латышская камерная спявачка (лірыка-драматычнае сапрана), оперная спявачка, педагог. Народны артыст СССР (1969). Лаўрэат Дзяржаўнай прэміі Латвіі (1957).

Жэрмэна Леапольдаўна Хэйнэ-Вагнэрэ
Дата нараджэння	23 чэрвеня 1923(1923-06-23)
Месца нараджэння	Рыга, Латвійская Рэспубліка
Дата смерці	7 снежня 2017(2017-12-07) (94 гады)
Месца смерці	Рыга, Латвія
Краіна	СССР  Латвія
Альма-матар	Латвійская музычная акадэмія імя Язэпса Віталса
Музычная дзейнасць
Прафесіі	оперная спявачка, музычны педагог
Пеўчы голас	сапрана
Інструменты	вакал
Узнагароды	Камандор ордэна Трох Зорак

Біяграфія

У 1950 годзе скончыла Латвійскую кансерваторыю. У 1950—1975 гадах салістка Латвійскага тэатра оперы і балета.

Актыўна выступала як канцэртная спявачка. Гастралявала па гарадах СССР і за мяжой (Югаславія, Румынія, Балгарыя, Венгрыя, Ісландыя, Фінляндыя, Польшча, ГДР).

Выкладала ў Латвійскай кансерваторыі. Ганаровы прафесар Латвійскай музычнай акадэміі імя Я. Віталса (2000).

Дэпутат Вярхоўнага Савета Латвійскай ССР 5-га склікання.

Творчасць

Дасканалае вакальнае майстэрства спалучаецца ў яе творчасці з яркім драматычным талентам. Сярод партый: Банюта («Банюта» А. Калніньша), Спідола («Агонь і ноч» Я. Медыня), Гундэга («Прынцэса Гундэга» А. Скултэ), Леанора, Дэздэмона, Ліда, Тоска, Віялета («Трубадур», «Атэла», «Аіда», «Тоска», «Травіята» Дж. Вердзі), галоўныя партыі ў операх Р. Вагнера «Тангейзер», «Лаэнгрын», «Валькірыя» і інш. Выканала партыі сапрана ў 9-й сімфоніі Л. Бетховена, «Рэквіеме» Вердзі, «Асуджэнні Фаўста» Г. Берліёза і інш.

Літаратура

• Гейнэ-Вагнерэ Жэрмена Леапольдаўна // Беларуская энцыклапедыя: У 18 т. Т. 4: Варанецкі — Гальфстрым / Рэдкал.: Г. П. Пашкоў і інш. — Мн. : БелЭн, 1997. — Т. 4. — 480 с. — 10 000 экз. — ISBN 985-11-0035-8. — ISBN 985-11-0090-0 (т. 4).

Спасылкі

• На Вікісховішчы пакуль няма медыяфайлаў па тэме, але Вы можаце загрузіць іх