Жэшаў

Жэшаў
Герб	Сцяг
Краіна	Польшча
Ваяводства	Падкарпацкае
Павет	Горад на правах павета
Каардынаты	50°02′28″ пн. ш. 21°59′56″ у. д.HGЯO
Прэзідэнт	Тадэвуш Феранц
Заснаваны	19 студзеня 1354
Першая згадка	XI ст.
Горад з	1354
Плошча	116,36 км²
Вышыня цэнтра	197—384 м
Водныя аб’екты	Віслак[d]
Насельніцтва	183 108 чалавек (2014)
Шчыльнасць	1574 чал./км²
Часавы пояс	UTC+1, летам UTC+2
Тэлефонны код	+48 17
Паштовыя індэксы	з 35-001 да 35-959
Аўтамабільны код	RZ
TERC	1863011
Афіцыйны сайт	erzeszow.pl (польск.)
	Медыяфайлы на Вікісховішчы

Жэ́шаў^[2] (польск.: Rzeszów, аг.-усх.-слав.: Ря́шев) — горад у паўднёва-ўсходняй Польшчы, з’яўляецца адміністрацыйным цэнтрам Падкарапацкага ваяводства і Жэшаўскай дыяцэзіі. Адміністрацыйны цэнтр Жэшоўскага павета (не ўваходзіць у яго склад). Колькасць насельніцтва налічвае 183 369 чалавек^[3].

Горад з’яўляецца адміністрацыйным, прамысловым, гандлёвым, адукацыйным і культурным цэнтрам паўднёва-ўсходняй Польшчы. Тут знаходзіцца міжнародны аэрапорт, а таксама Падкарпацкі навукова-тэхналагічны парк, дзейнасць якога скіраваная на развіццё высокатэхналагічнай прамысловасці. У Жэшаве знаходзяцца буйныя дзяржаўныя навучальныя ўстановы: Жэшоўскі ўніверсітэт і Жэшоўскі політэхнічны ўніверсітэт імя Ігнацыя Лукасевіча. Акрамя гэтага дзейнічаюць прыватныя навучальныя ўстановы, буйнейшай з якіх з’яўляецца Вышэйшая школа Інфармацыйных тэхналогій і кіравання. У Жэшаве знаходзяцца тры консульскія ўстановы (нямецкая, славацкая і ўкраінская).

Праз горад праходзяць чыгуначныя лініі Дрэздэн — Кіеў, Беласток — Кошыцэ. Прыкладна ў 100 км ад Жэшава праходзяць дзяржаўныя межы з Украінай і Славакіяй.