Калона Коналі
Калона Коналі (англ.: Connolly Column, ісп.: Columna Connolly, ірл.: Colún Uí Chonghaile) — падраздзяленне ірландскіх добраахвотнікаў, якое змагалася ў складзе інтэрнацыянальных брыгад на баку рэспубліканцаў падчас грамадзянскай вайны ў Іспаніі. Калона названа ў гонар Джэймса Коналі, дзеяча Велікоднага паўстання і камандзіра Ірландскай грамадзянскай арміі. Па памеры была роўна роце, уваходзіла ў 15-ю інтэрбрыгаду, дзе служылі ірландскія, брытанскія і амерыканскія добраахвотнікі.
| Калона Коналі | |
|---|---|
| Гады існавання | 1936—1938 |
| Краіна |
 Другая Іспанская Рэспубліка |
| Падпарадкаванне |
 Інтэрнацыянальныя брыгады |
| Уваходзіць у | XV інтэрбрыгада імя Аўраама Лінкальна |
| Тып | рота |
| Колькасць | 145 чалавек[1] |
| Дыслакацыя | Альбасетэ |
| Заступнік | Джэймс Коналі |
| Удзел у | Грамадзянская вайна ў Іспаніі |
| Камандзіры | |
| Вядомыя камандзіры | Фрэнк Раян |
Узнікненне правіць
У ліпені 1936 года лідар ірландскіх рэспубліканцаў Пітэр О’Донэл адправіўся ў Барселону для падрыхтоўкі Народных Алімпійскіх гульняў, якія планавалася правесці ў знак пратэсту супраць летняй Алімпіяды ў Берліне. У сувязі з грамадзянскай вайной, якая раптам пачалася ў краіне, ён падтрымаў урад «Народнага фронту».
Па вяртанні ў Ірландыю О’Донэл заклікаў стварыць групу ірландскіх добраахвотніцкіх палкоў, якія падтрымалі б дзеючыя ўлады. Добраахвотнікамі сталі запісвацца салдаты Ірландскай рэспубліканскай арміі і Рэспубліканскага кангрэса: сярод кіраўнікоў ІРА было даволі шмат прыхільнікаў «левых», і падтрымка ірландцамі іспанскіх камуністаў і антыфашыстаў здавалася штодзённай справай.
Матывацыя правіць
Падставай для адпраўкі ў Іспанію былі не толькі падтрымка Другой Іспанскай Рэспублікі, але і нянавісць да ірландцаў, якія пайшлі ваяваць на бок франкістаў — пераважна да сінекашульнікаў. Многія прыхільнікі Франсіска Франка ваявалі на баку Ірландскай Свабоднай дзяржавы падчас грамадзянскай вайны ў Ірландыі. З іх была створана Ірландская брыгада колькасцю 800 чалавек. З гэтай прычыны многія лічылі Іспанію працягам асабістых «разборак» і нават самой ірландскай грамадзянскай вайны.
У Іспаніі правіць
У снежні 1936 года 80 добраахвотнікаў на чале з былым афіцэрам ІРА Фрэнкам Раянам прыбылі ў Іспанію. Большасць байцоў — з Ірландскай Свабоднай дзяржавы (даволі шмат было членаў Камуністычнай партыі Ірландыі), астатнія — з Паўночнай Ірландыі (пераважна з Белфаста). Добраахвотнікі прыбылі на цягніку ў Перпіньян (Паўднёвая Францыя), затым накіраваліся ў Альбасетэ разам з Андрэ Марці. Шэраг ірландцаў адмовіліся запісвацца ў Брытанскі батальён інтэрбрыгад з-за сваіх палітычных перакананняў, а камандзір Раян паспрабаваў нават застрэліць аднаго англічаніна, калі выявіў, што той у перыяд вайны Ірландыі за незалежнасць служыў у шэрагах антыірландскай арганізацыі Black and Tans. Некаторыя байцы вырашылі не ўступаць у 15-ю інтэрбрыгаду, якой і была падпарадкавана калона Коналі, таму сышлі ў іншыя падраздзяленні.
У лютым 1937 года калона прыняла ўдзел у бітве пры Хараме, дзе панесла вялікія страты. У ліпені 1938 года ірландцы змагаліся ў апошнім наступленні рэспубліканцаў — бітве на Эбра. У верасні таго ж года ўрад Іспанскай Рэспублікі расфармаваў інтэрбрыгады, усвядоміўшы, што замежнікі ўжо нічым не змогуць дапамагчы. Ірландцы вымушаны былі пакінуць краіну. З іх жывымі на радзіму не вярнуліся ад 36[2] да 61[1] чалавек.
У культуры правіць
- Песню «Viva la Quinta Brigada» ірландскі спявак Крысці Мур прысвяціў ірландскім добраахвотнікам інтэрнацыянальных брыгад, натхніўшыся кнігай Майкла О’Рыардана «Калона Коналі».
- Іспанскім панк-рок гуртам Boikot быў зняты кліп на песню «Jarama», прысвечаны ўдзелу ірландскіх добраахвотнікаў у бітве пры Хараме.
Гл. таксама правіць
Зноскі
- ↑ а б Review of O’Riordan’s memoir. Архівавана з першакрыніцы 4 чэрвеня 2020. Праверана 11 студзеня 2016.
- ↑ アーカイブされたコピー. Архівавана з першакрыніцы 7 лютага 2012. Праверана 6 красавіка 2012.
Літаратура правіць
- Cronin, Séan. 1980. Frank Ryan: The search for The Republic. Dublin: Repsol. ISBN 0-86064-018-3.
- Doyle, Bob. 2006. Brigadista: An Irishman’s Fight Against Fascism. Dublin: Currach Press. ISBN 1-85607-937-6.
- Hoar, Adrian. 2004. In Green and Red: The Lives of Frank Ryan. Kerry: Brandon. ISBN 0-86322-332-X.
- McGarry, Fearghal. 1999. Irish Politics and the Spanish Civil War. Cork: Cork University Press. ISBN 1-85918-239-9.
- Ó Duinnín, Eoghan. 1986. La Niña Bonita agus an Róisín Dubh. Dublin: An Clóchomhar.
- О’Риордан, Майкл Колонна Коннолли: Рассказ об ирландцах, сражавшихся в рядах интернациональных бригад в национально-революционной войне испанского народа 1936—1939 гг. = Connolly Column: The story of the Irishmen who fought for the Spanish Republic 1936—1939. — М.: Политиздат, 1987. — 253 с.