Каробавічы

Каро́бавічы (трансліт.: Karobavičy, руск.: Коробовичи) — вёска ў Пухавіцкім раёне Мінскай вобласці. Уваходзіць у склад Дукорскага сельсавета.

Вёска Каробавічы Краіна Беларусь Вобласць Мінская Раён Пухавіцкі Сельсавет Дукорскі Каардынаты 53°33′22″ пн. ш. 27°54′51″ у. д. Насельніцтва 98 чалавек (2002) Часавы пояс UTC+3 Тэлефонны код +375 1713 Аўтамабільны код 5 Каробавічы на карце Беларусі ±

Гісторыя

Пад уладай Расійскай імперыі

У другой палове XIX - пач. XX ст. у Цітвянскай воласці Ігуменскага павета Мінскай губерні.

Найноўшы час

У Першую сусветную вайну ў лютым — снежні 1918 года была пад акупацыяй войскаў кайзераўскай Германіі.

25 сакавіка 1918 года згодна з Трэцяй Устаўной граматай вёска абвешчана часткай Беларускай Народнай Рэспублікі. З 1 студзеня 1919 года ў адпаведнасці з пастановай І з’езда КП(б) Беларусі вёска ўвайшла ў склад БССР.

У жніўні 1919 — ліпені 1920 вёска знаходзілася пад польскай уладай.

Пасля рэвалюцыі працавала працоўная школа 1-ай ступені, у 1922 г. яе наведвала 60 вучняў, у тым ліку 27 дзяўчынак.

У 1933 г. працаваў калгас "Чырвоная змена" і кузня.

У Другую сусветную вайну з канца чэрвеня 1941 да 4 ліпеня 1944 года акупаваная нацысцкай Германіяй.

Да 28 мая 2013 года вёска ўваходзіла ў склад Дрычынскага сельсавета.

Насельніцтва

• 1909 — 56 двароў, 330 жыхароў.
• 1 студзеня 2002 — 54 двары, 98 жыхароў.

Літаратура

• Памяць : Пухавіцкі раён: гісторыка-дакументальныя хронікі гарадоў і раёнаў Беларусі / [укладальнік А. А. Прановіч; рэдкалегія: А. М. Карлюкевіч і інш.]. — Мінск : Беларусь, 2003. — 748 с. — 3000 экз. ISBN 985-01-0251-9

Спасылкі

• На Вікісховішчы пакуль няма медыяфайлаў па тэме, але Вы можаце загрузіць іх