Кодры — узвышша ў Малдове, паміж рэкамі Рэўт і Прут. У межах Кодр знаходзіцца аднайменны запаведнік.

Кадры каля сяла Долна.

Вышыня — да 430 м. Даўжыня — 100 км. Кодры складзены марскімі і кантынентальнымі адкладамі міяцэна — глінамі, мергелямі, вапнякамі, пяскамі, пясчанікамі і чацвярцічнымі лёсамі. Рэльеф складаны, градава-ўзгорысты, эразійны, паверхня глыбока рассечана далінамі рэк, сухадоламі, ярамі, гыртопамі. Развіты апоўзні і карст.

У Кодрах больш 1000 відаў раслін. Кодры пакрыты лясамі (дуб, бук, граб і інш.). Натуральная расліннасць, у параўнанні з іншымі абласцямі Малдовы, захавалася значна лепш. Сустракаецца і лугавая расліннасць. Каля падножжа ўзвышша палі і вінаграднікі.

У Кодрах выдзяляюць два прыродныя раёны:

  • Паўночны з узвышаным рэльефам і больш вільготным кліматам. Там растуць шыракалістыя лясы сярэднееўрапейскага тыпу. Захаваліся невялікія букавыя лясы. Лугавая расліннасць прадстаўлена, пераважна, метлюжкова-бабовым рознатраўем.
  • Паўднёвы раён мае абсалютныя вышыні 300—390 м. У цэнтральнай частцы і на поўдні гэтага раёна расце дуб пухнаты (Quercus pubescens) і іншыя віды. Паўднёвыя Кодры — найменш асвоены раён Малдовы, дзе сельскагаспадарчыя ўгоддзі займаюць каля 53,5 %, ралля — 29 % тэрыторыі.

Гл. таксама правіць

Літаратура правіць