Крыстафер Донах’ю

Крыстафер Тод Донах’ю (англ.: Christopher Todd Donahue; нар. 13 жніўня 1969, Чэмберсберг, Франклін, Пенсільванія, ЗША) — генерал-маёр арміі ЗША, камандзір 82-й паветрана-дэсантнай дывізіі з 2020 года. Вядомы як апошні амерыканскі вайсковец, які пакінуў Афганістан падчас вываду войскаў ЗША з гэтай краіны.

Крыстафер Донах’ю
англ.: Chris Donahue
Major General Christopher Donahue.jpg
Дата нараджэння 13 жніўня 1969(1969-08-13) (52 гады)
Месца нараджэння
Альма-матар
Грамадзянства
Прыналежнасць Злучаныя Штаты Амерыкі ЗША
Род войскаў Flag of the United States Army.svg Армія ЗША
Гады службы з 1992
Званне US-O8 insignia.svg генерал-маёр
Камандаваў 82 ABD SSI.svg 82-я паветрана-дэсантная дывізія
Бітвы/войны
Узнагароды і званні
Defense Superior Service Medal ордэн «Легіён пашаны» Bronze Star Medal Defense Meritorious Service Medal Meritorious Service Medal Commendation Medal Joint Meritorious Unit Award Valorous Unit Award Meritorious Unit Commendation National Defense Service Medal Afghanistan Campaign Medal Iraq Campaign Medal Global War on Terrorism Expeditionary Medal Global War on Terrorism Service Medal Korea Defense Service Medal Armed Forces Service Medal медаль НАТА
Commons-logo.svg Крыстафер Донах’ю на Вікісховішчы

БіяграфіяПравіць

Крыстафер Тод Донах’ю нарадзіўся 13 жніўня 1969 года ў Чэмберсбергу, акруга Франклін, штат Пенсільванія[1][2][3]. Скончыў старэйшую сярэднюю школу Чэмберсберга, дзе добра вучыўся і гуляў у футбол[2].

Па заканчэнні ў 1992 годзе Ваеннай акадэміі ў Вэст-Пойнце ў званні другога лейтэнанта Донах’ю быў залічаны на ваенную службу ў армія ЗША[4][5][6]. За час службы ў пяхоце ён прайшоў паслядоўны шлях ад камандзіра роты да камандзіра брыгады. У прыватнасці, служыў камандзірам узвода ў Карэі і на базе Форт-Полк, штат Луізіяна, а затым камандзірам 3-га батальёна 75-га палка рэйнджараў на базе Форт-Бэнінг, штат Джорджыя. Пасля павышэння ў званні да капітана Донах'ю быў камандзірам стралковай роты ў 5-м батальёне 87-га пяхотнага палка на базе Форт-Коб у Панаме, а затым памочнікам начальніка аператыўнага аддзялення, камандзірам стралковай і штабной роты 2-га батальёна 75-га палка рэйнджараў[5][6].

Пасля Донах'ю быў пераведзены ў Вашынгтон, акруга Калумбія, дзе працаваў памочнікам намесніка старшыні Аб’яднанага камітэта начальнікаў штабоў генерала Рычарда Маерса[7][6]. У 2001 годзе, пасля нападу тэрарыстаў на вежы Сусветнага гандлёвага цэнтра ў Нью-Ёрку, у сілу таго, што старшыня АКНШ генерал Генры Шэлтан знаходзіўся ў самалёце за межамі ЗША і не мог аператыўна кіраваць сітуацыяй, кіраўніцтва камітэтам прыняў на сябе Маерс. Донах’ю стаў фактычна другім чалавекам у амерыканскай ваеннай іерархіі, знаходзячыся ў Пентагоне і перажыўшы разам з Майерсам трэцюю тэрарыстычную атаку, ужо на будынак Міністэрства абароны ЗША, пасля чаго была пачата вайна ў Афганістане[8][7]

У далейшым Донах’ю займаў пасады памочніка начальніка аператыўнага аддзялення, начальніка аператыўнага аддзялення і начальніка штаба эскадрону, камандзіра аддзялення па адборы і навучанні войскаў, камандзіра эскадрону, намесніка камандзіра брыгады падтрымкі пры камандаванні спецыяльных аперацый арміі ЗША на базе Форт-Брэг, штат Паўночная Караліна. Затым ён быў начальнікам аператыўнага ўпраўлення сумеснага камандавання спецыяльных аперацый ЗША, а потым — намеснікам камандуючага (па манеўрах) 4-й пяхотнай дывізіі на базе Форт-Карсан, штат Каларада[5][6]. У сілу адсутнасці падрабязнай інфармацыі аб кадравым прасоўванні і месцах службы Донах’ю, шэраг аглядальнікаў мяркуюць, што ён мог камандаваць 1-м аператыўным атрадам спецназа, больш вядомым як «Дэльта», і прымаў асабісты ўдзел у баях у Іраку і Афганістане[7][9].

Донах’я скончыў базавыя і прасунутыя курсы пяхотных афіцэраў, Ваенна-марскі каледж, курс ваеннага каледжа арміі ЗША пры Гарвардскім універсітэце, а таксама Нацыянальны абаронны ўніверсітэт[10][6]. Здзейсніў 17 камандзіровак у Афганістан, Ірак, Сірыю, Паўночную Афрыку і Усходнюю Еўропу, у тым ліку прыняў удзел у аперацыі «Атлантычная рашучасць»[5][6]. У 2016 годзе Донах’ю быў павышаны да брыгаднага генерала, атрымаўшы сваё першае адназоркавае званне[11]. У 2017 годзе прызначаны на пасаду каменданта пяхотнай школы арміі ЗША на базе Форт-Бэнінг[12], дзе праслужыў да 2018 года[13], будучы таксама кіраўніком функцыянальнай групы салдацкай смяротнасці[14]. У далейшым быў намеснікам дырэктара па спецыяльных аперацыях і барацьбе з тэрарызмам (J-3) Аб‚яднанага камітэта начальнікаў штабоў у Вашынгтоне, а таксама камандуючым Аб’яднанай мэтавай групай спецыяльных аперацый у Афганістане, прыняўшы ўдзел у аперацыі «Вартавы свабоды»[6].

 
Генерал-маёр Донах’ю ўваходзіць на апошні борт, які вылятае з Афганістана, 30 жніўня 2021 года.

У 2020 годзе ў званні генерал-маёра Донах’ю стаў камандзірам 82-й паветрана-дэсантнай дывізіі, змяніўшы генерал-маёра Джэймса Мінгуса[15]. У 2021 годзе разам з падначаленымі войскамі быў адпраўлены ў Афганістан, дзе прыняў удзел у вывадзе войск ЗША з краіны[9][16].. Пасля захопу Кабула тэрарыстамі Донах’ю ажыццяўляў аператыўнае кіраўніцтва войскамі на месцы ў раёне падкантрольнага амерыканцам аэрапорта[17], што стала для яго 18-й баявой аперацыяй[7]. Пераканаўшыся, што ўсе салдаты эвакуяваны[8], Донах’ю разам з амерыканскім паслом Росам Уілсанам убыў з краіны на самалёце Boeing C-17 Globemaster III[18], які апошнім вылецеў з міжнароднага аэрапорта Кабула імя Хаміда Карзая[19]. Такім чынам, Донах’ю стаў апошнім амерыканскім вайскоўцам, якія пакінулі Афганістан, што паклала канец самай доўгай вайне ў амерыканскай гісторыі, якая пачалася ў 2001 годзе і працягнулася 20 гадоў[17][9][19]. Фатаграфія, якая адабразіла Донах’ю ў момант пасадкі на самалёт, стала сімвалам заканчэння вайны[20][21][22].

Сям’яПравіць

Жанаты на Дэвон Донах’ю, у іх пяцёра дзяцей — Алана, Амір, Закары, Хэйл і Джозэф[23][11].

ЗноскіПравіць

  1. Yasmine Leung Who is General Chris Donahue, USA's poignant face of Afghan evacuation. HITC (31 августа 2021). Праверана 1 сентября 2021.
  2. 2,0 2,1 Major General Chris Donahue of Franklin County is the last soldier to leave Afghanistan. WGAL (31 августа 2021). Праверана 1 сентября 2021.
  3. Ivey DeJesus Last soldier to leave Afghanistan is a central Pennsylvania native. The Patriot-News[en] (31 августа 2021). Праверана 1 сентября 2021.
  4. Christopher Todd Donahue (1992). West Point Association of Graduates. Праверана 1 сентября 2021.
  5. 5,0 5,1 5,2 5,3 BG Chris Donahue. Association of the United States Army. Праверана 1 сентября 2021.
  6. 6,0 6,1 6,2 6,3 6,4 6,5 6,6 Zach VanDyke Maj. Gen. Christopher Donahue, 82nd Airborne Division Commanding General. Армия США (23 июля 2020). Праверана 1 сентября 2021.
  7. 7,0 7,1 7,2 7,3 Davis Winkie Last soldier out of Afghanistan was this former Delta Force 2-star. Army Times (31 августа 2021). Праверана 1 сентября 2021.
  8. 8,0 8,1 Jeff Schogol Why a 2-star general was the last American service member to leave Afghanistan. Task & Purpose (31 августа 2021). Праверана 1 сентября 2021.
  9. 9,0 9,1 9,2 Alex Horton This U.S. soldier’s boots were the last on the ground in Afghanistan. The Washington Post (31 августа 2021). Праверана 1 сентября 2021.
  10. Biographical data book, National Defense University Class 2019-1, 17 Sep — 19 Oct 2018. National Defense University. Архівавана з першакрыніцы 23 сентября 2020. Праверана 1 сентября 2021.
  11. 11,0 11,1 Diandra J. Harrell Donahue receives 1st star. Fort Carson (1 декабря 2016). Праверана 1 сентября 2021.
  12. Ben Wright Brig. Gen. Donahue is 57th chief of infantry at Fort Benning. Ledger-Enquirer[en] (15 августа 2017). Архівавана з першакрыніцы 6 марта 2020. Праверана 1 сентября 2021.
  13. Bryan Gatchell New commandant takes responsibility of US Army Infantry School. Армия США (10 августа 2018). Праверана 1 сентября 2021.
  14. Sydney J. Freedberg Jr. Guns, Drones, & Augmented Reality: Army Seeks Infantry Revolution. Breaking Defense (16 марта 2018). Праверана 1 сентября 2021.
  15. Alexander Burnett, Mike Burns 82nd Airborne Division Welcomes New Leaders in Fort Bragg Ceremony. Армия США (10 июля 2020). Праверана 1 сентября 2021.
  16. Joey Garrison, Ledyard King He was the last US soldier to leave Afghanistan after 20 years of occupation. USA Today (30 августа 2021). Праверана 1 сентября 2021.
  17. 17,0 17,1 Caroline Linton, David Martin, Eleanor Watson This is the last American soldier to leave Afghanistan. CBS News (31 августа 2021). Праверана 1 сентября 2021.
  18. Tara Copp Inside the Final Hours at Kabul Airport. Atlantic Media (30 августа 2021). Праверана 1 сентября 2021.
  19. 19,0 19,1 Saeed Ahmed He Is The Last American Soldier To Leave Afghanistan. National Public Radio (30 августа 2021). Праверана 1 сентября 2021.
  20. Последний американский военный покинул Афганистан. Фотография. Meduza (31 августа 2021). Праверана 2 сентября 2021.
  21. Последние американские военные улетели из аэропорта Кабула. Историческое фото. BBC Russian (31 августа 2021). Праверана 2 сентября 2021.
  22. До последнего генерала. Фотофакт: последние военные США и СССР в Афганистане. Коммерсантъ (31 августа 2021). Праверана 2 сентября 2021.
  23. Major General Christopher Donahue. — Paraglide. — Fayetteville, NC : The 82d Airborne Division Association, 2020, лето. — Vol. 75, № 2. — С. 10. — 63 с.

СпасылкіПравіць