Крысціян Дзакарда

Крысціян Дзакарда (італ.: Cristian Zaccardo; нар. 21 снежня 1981) — былы італьянскі футбаліст, абаронца. Чэмпіён свету 2006 у складзе нацыянальнай зборнай Італіі.

Крысціян Дзакарда
Нарадзіўся	21 снежня 1981(1981-12-21)[…] (42 гады) Фарміджынэ[d], правінцыя Модэна, Эмілія-Раманья, Італія
Грамадзянства	Італія
Рост	184 см
Вага	77 кг
Пазіцыя	абаронца
Інфармацыя пра клуб
Клуб	завяршыў кар’еру
Маладзёжныя клубы
1991—2000 Балоння
Клубная кар’ера
2000—2004 Балоння 79 (2) 2000—2001 →  Спецыя 28 (0) 2004—2008 Палерма 142 (8) 2008—2009 Вольфсбург 15 (1) 2009—2013 Парма 118 (10) 2013—2015 Мілан 14 (1) 2015—2017 Карпі 27 (1) 2016—2017 →  Вічэнца 23 (0) 2017—2018 Хамрун Спартанс 15 (3) 2019 Трэ Фіёры 3 (1)
Нацыянальная зборная
1998 Італія (да 16) 8 (1) 1999—2000 Італія (да 18) 6 (0) 2000—2001 Італія (да 20) 9 (0) 2002—2004 Італія (да 21) 21 (2) 2004—2007 Італія 17 (1)
Узнагароды і медалі
Чэмпіянаты свету Золата Германія 2006 Дзяржаўныя ўзнагароды Афіцэр ордэна «За заслугі перад Італьянскай Рэспублікай»

Кар’ера

Клубная

Крысціян быў адным з найлепшых выхаванцаў «Балонні», дэбютаваў за асноўны склад у 2001 годзе пад кіраўніцтвам Франчэска Гвідаліна, адразу замацаваўся ў аснове і атрымаў выклік у моладзевую зборную Італіі. У 2004 годзе перайшоў у «Палерма», галоўным трэнерам якога быў Гвідалін. Сезон 2008/09 правёў у «Вольфсбургу» і зноў злучыўся з Франчэска ў «Парме» ў 2009 годзе.

24 студзеня 2013 года падпісаў кантракт з «Міланам». Пераход быў часткай абмену ігракамі паміж клубамі, з «Мілана» ў «Парму» накіраваўся Джамель Месбах. У складзе «Мілана» Крысціян гуляў рэдка, за два з паловай сезоны толькі 17 разоў з’явіўся на полі ва ўсіх турнірах.

31 жніўня 2015 года перайшоў у склад дэбютанта Серыі A — футбольнага клуба «Карпі», падпісаўшы двухгадовы кантракт. Улетку 2016 года быў аддадзены ў арэнду «Вічэнцы». Па заканчэнні сезона пакінуў «Вічэнцу».

У кастрычніку 2017 года стаў іграком мальтыйскага клуба «Хамрун Спартанс». Пакінуў каманду з Мальты па заканчэнні сезона 2017/18.

У студзені 2019 года далучыўся да клуба «Трэ Фіёры» з чэмпіянату Сан-Марына. 9 ліпеня 2019 года, роўна праз 13 гадоў пасля перамогі на чэмпіянаце свету, абвясціў аб завяршэнні кар’еры.

Міжнародная

С 2004 по 2007 годы выступаў за нацыянальную зборную Італіі, правёў у яе складзе 17 матчаў, забіў адзін гол. Прымаў удзел у чэмпіянаце свету 2006, дзе тройчы выйшаў на поле і вызначыўся аўтаголам у матчы супраць ЗША.

Дасягненні

Клубныя

«Вольфсбург»:

• Чэмпіён Германіі: 2009

«Трэ Фіёры»:

• Уладальнік Кубка Сан-Марына: 2019

Міжнародныя

Італія:

• Чэмпіён свету: 2006

Літаратура

• Руднік В. Чэмпіёны свету па футболе 1930—2006. — Беласток:"Set-Print", 2006.

Спасылкі

• Профіль на сайце transfermarkt.com (англ.)
• Статыстыка на сайце National Football Teams (англ.)
• Профіль на сайце soccerway.com (руск.)
• Статыстыка на сайце UEFA.com (руск.)
• Статыстыка на сайце FIFA (англ.)