Леанід Пятровіч Татарынаў
Леанід Пятровіч Тата́рынаў[4] (руск.: Татаринов Леонид Петрович; 12 лістапада 1926, Тула — 27 жніўня 2011, Масква) — вучоны ў галіне заалогіі, палеанталогіі і эвалюцыйнай біялогіі, доктар біялагічных навук, акадэмік Акадэміі навук СССР (1981), Расійскай акадэміі навук (1991).
| Леанід Пятровіч Татарынаў | |
|---|---|
| Дата нараджэння | 12 лістапада 1926[1] |
| Месца нараджэння | |
| Дата смерці | 24 жніўня 2011[2] (84 гады) |
| Месца смерці | |
| Месца пахавання | |
| Грамадзянства | |
| Род дзейнасці | палеантолаг |
| Навуковая сфера | evolution of mammals[d] і палеанталогія[3] |
| Месца працы | |
| Навуковая ступень | доктар біялагічных навук |
| Навуковае званне | |
| Альма-матар |
|
| Член у |
|
| Прэміі |
 |
| Узнагароды |
     |
Біяграфія правіць
Нарадзіўся ў горадзе Тула. У 1943 годзе быў прызваны на службу ў Чырвоную Армію. У 1944 годзе пасля дэмабілізацыі паступіў у Маскоўскі дзяржаўны ўніверсітэт, біялагічны факультэт якога скончыў у 1949 годзе. У 1953 годзе абараніў кандыдацкую дысертацыю на тэму «О роли условий жизни в филогенезе земноводных». Працаваў у Выдавецтве замежнай літаратуры. У 1954 годзе быў запрошаны ў Палеанталагічны інстытут Акадэміі навук СССР у лабараторыю ніжэйшых тэтрапод, якую ўзначаліў у 1959 годзе. У 1969 годзе абараніў доктарскую дысертацыю на тэму «Проблемы эволюциитериодонтов». У 1973—1975 гадах працаваў у Інстытуце эвалюцыйнай марфалогіі і экалогіі жывёл імя А. М. Северцава. У 1974 годзе абраны членам-карэспандэнтам Акадэміі навук СССР па спецыяльнасці «агульная біялогія». З 1975 года Л. П. Татарынаў на пасадзе дырэктара Палеанталагічнага інстытута. У 1981 годзе абраны правадзейным членам Акадэміі навук СССР па спецыяльнасці «заалогія». З 1992 года — саветнік Расійскай акадэміі навук.
Навуковая і грамадская дзейнасць правіць
Л. П. Татарынаву навуковыя працы па ранняй эвалюцыі земнаводных, паўзуноў і млекакормячых на аснове палеанталагічных, біяхімічных і фізіялагічных дадзеных. Аўтар больш за 250 прац, у тым ліку 6 манаграфій.
Уваходзіў у склад Вучонага савета Палеанталагічнага інстытута і Дысертацыйнага савета пры інстытуце. У 1976—2001 гадах займаў пасаду галоўнага рэдактара «Палеанталагічнага часопіса». У 1975—1996 гадах уваходзіў у склад Бюро Аддзялення агульнай біялогіі АН СССР (РАН) і ў 1975—1996 гадах займаў пасаду намесніка акадэміка-сакратара і навуковага кіраўніка Сумеснай Савецка—Мангольскай (Расійска-Мангольскай) палеанталагічнай экспедыцыі. Быў членам рэдакцыйных калегій часопісаў «Агульная біялогія», «Палеанталагічны часопіс», «Russian Journal of Herpetology». З 1986 года — замежны член Лонданскага Лінееўскага таварыства.
Узнагароды і прэміі правіць
- Дзяржаўная прэмія СССР 1978 года.
- Ордэн «Знак Пашаны».
- Ордэн Працоўнага Чырвонага Сцяга.
- Ордэн «За заслугі перад Айчынай» IV ступені.
- Ордэн «Палярнай Зоркі» (Манголія, 1982).
- Медаль «Дружба» (Манголія, 1977).
- Знак Гонару ў срэбры (ГДР).
- Прэміі Х. Раўсінга (2007, 2008).
- Прэмія А. М. Северцава (2002) і інш.
Зноскі
- ↑ а б Татаринов Леонид Петрович // Большая советская энциклопедия: [в 30 т.] / под ред. А. М. Прохоров — 3-е изд. — М.: Советская энциклопедия, 1969. Праверана 28 верасня 2015.
- ↑ http://letopis.msu.ru/peoples/4546
- ↑ Czech National Authority Database Праверана 7 лістапада 2022.
- ↑ Беларуская энцыклапедыя: У 18 т. Т. 15: Следавікі — Трыо / Рэдкал.: Г. П. Пашкоў і інш. — Мн. : БелЭн, 2002. — Т. 15.
Літаратура правіць
- Ермакоў В. Ф. Татарынаў Леанід Пятровіч // Беларуская энцыклапедыя: У 18 т. Т. 15: Следавікі — Трыо / Рэдкал.: Г. П. Пашкоў і інш. — Мн. : БелЭн, 2002. — Т. 15. — 552 с. — 10 000 экз. — ISBN 985-11-0035-8. — ISBN 985-11-0251-2 (т. 15). — С. 456.
Спасылкі правіць
- Татаринов Леонид Петрович // Архивы Российской академии наук (руск.)
- Татаринов Леонид Петрович // Палеонтологический институт им. А. А. Борисяка РАН (руск.)
- Татаринов Леонид Петрович // «Мегаэнциклопедия Кирилла и Мефодия» megabook.ru (руск.)
- Татаринов Леонид Петрович // Летопись Московского университета (руск.)
- Память народа (руск.)
- Академик Леонид Петрович Татаринов (1926—2011) // Палеонталоагический журнал, 2012, № 3, С. 106—108. (руск.)