Марцін Курч

Марцін Данілавіч Курч (? — пасля 26 лютага 1602) — дзяржаўны і ваенны дзеяч Вялікага Княства Літоўскага.

Марцін Курч
Герб «Радван»
1-ы ваявода дорпацкі з 10 сакавіка 1600
Пераемнік	Тэадор Дажбог Карнкоўскі[d]
маршалак гаспадарскі 12 лістапада 1585 — 1589
староста фелінскі[d]
1-ы войскі віцебскі[d] 16 ліпеня 1570 — 12 лістапада 1585
Пераемнік	Андрэй Жылінскі[d]
староста адзельскі[d]
Смерць	1602(1602)
Род	Курчы
Бацька	Даніла Сямёнавіч Курч
Жонка	Апалонія Корсак, Соф’я Сапега
Дзеці	Яўстах, Леў, Марына, Багдана, Ганна, Раіна, Міхал, Ян, Станіслаў, Тарэза, Марына
Бітвы	Лівонская вайна

Войскі віцебскі з 1578, маршалак гаспадарскі ў 1585—1589, ваявода дорпацкі з 1600 года.

З 1560 года як ротмістр удзельнічаў у Інфлянцкай вайне 1558—1582. У 1567 годзе наглядаў за будаўніцтвам замка ва ўрочышчы Сарыца ў Віцебскім ваяводстве. Пад камандаваннем Рамана Сангушкі ўдзельнічаў у пераможнай бітве пад Чашнікамі 21 чэрвеня 1567 і ва ўзяцці Улы ў 1569 годзе. У 1580—1582 гадах ваяваў пад Вялікімі Лукамі і Псковам.

За ваенныя заслугі атрымаў урады старосты адзельскага (1576) і фелінскага (1586).

Валодаў маёнткамі ў Гарадзенскім (Уснар), Лідскім, Новагародскім, Ваўкавыскім паветах.

Сям’я

Сын каралеўскага двараніна Данілы Сямёнавіча Курча.

Жанаты двойчы: першы раз з Апалоніяй Корсак, дачкой полацкага гараднічага Васіля Міхайлавіча Корсака, а другі раз з Соф’яй Сапегай, дачкой Івана Іванавіча Сапегі і сястрой канцлера Льва Сапегі.

Пакінуў дзяцей Яўстаха, Льва, Марыну, Багдану, Ганну, Раіну, Міхала, Яна, Станіслава, Тарэзу і Марыну.

Літаратура

• Пазднякоў В. Курчы // Вялікае княства Літоўскае: Энцыклапедыя. У 3 т. / Рэдкал.: Г. П. Пашкоў (гал. рэд.) і інш.; маст. З. Э. Герасімовіч. — Мн.: Беларуская Энцыклапедыя, 2005. — Т. 2: Кадэцкі корпус — Яцкевіч. — С. 171. — 792 с. — ISBN 985-11-0378-0 (т. 2), ISBN 985-11-0315-2.