Марыя Барысаўна Осіпава

Марыя Барысаўна Осіпава
Марыя Барысаўна Осіпава
	руск.: Мария Осипова
Мянушка	Ганна Чорная, «Чапля»
Дата нараджэння	27 снежня 1908
Месца нараджэння	Серкавіцы, Серкавіцкі сельсавет, Талачынскі раён, Беларусь;
Дата смерці	5 лютага 1999 (90 гадоў)
Месца смерці	Мінск, Беларусь;
Месца пахавання	Усходнія могілкі;
Альма-матар	Вышэйшая камуністычная сельскагаспадарчая школа Беларусі імя У. І. Леніна (1935); Мінскі юрыдычны інстытут (1940);
Грамадзянства	Расійская імперыя; СССР; Беларусь;
Бітвы/войны	Вялікая Айчынная вайна
Сувязі	Алена Рыгораўна Мазанік; Надзея Віктараўна Траян
	Медыяфайлы на Вікісховішчы

Марыя Барысаўна Осіпава (27 снежня 1908, вёска Серкавіцы, Талачынскі раён, Віцебская вобласць — 5 лютага 1999, Мінск) — удзельніца Мінскага падполля і партызанскага руху ў Вялікай Айчыннай вайне. Член КПСС з 1928 г. У 1941 г. арганізавала падпольную групу ў Мінску, сувязная партызанскіх атрадаў, арганізатар падрыхтоўкі знішчэння Вільгельма Кубэ. Герой Савецкага Саюза (29.10.1943).

Біяграфія

З 1926 г. М. Б. Осіпава на партыйнай і савецкай рабоце. У 1935 годзе скончыла Вышэйшую камуністычную сельскагаспадарчую школу, у 1940 — Мінскі юрыдычны інстытут.

Партрэт Героя Савецкага Саюза М. Б. Осіпавай. Іван Ахрэмчык, 1959

Пасля вызвалення Беларусі вярнулася ў Мінск і актыўна ўдзельнічала ў аднаўленні разбуранага вайной горада. Затым працавала ў апараце Старшыні Прэзідыума Вярхоўнага Савета БССР Васіля Іванавіча Казлова, узначальвала аддзел па памілаванні пры Прэзідыуме Вярхоўнага Савета Беларусі, была членам Вярхоўнага Суда Беларускай ССР, членам рэспубліканскага Камітэта абароны міру. У 1947—1963 гадах абіралася дэпутатам Вярхоўнага Савета БССР 2—5-га скліканняў. Немалаважная заслуга М. Б. Осіпавай у рэабілітацыі членаў мінскага падполля, абвінавачаных у супрацоўніцтве з нацысцкімі акупантамі. Марыя Барысаўна паручылася больш чым за тры сотні ўдзельнікаў антынацысцкага руху.

У 1988 г. Марыя Осіпава ўваходзіла ў склад Дзяржаўнай камісіі па расследаванні злачынстваў у Курапатах.

Ушанаванне памяці

На доме па вуліцы Кісялёва, 11 у Мінску, дзе Марыя Осіпава пражывала ў 1970—1999 гадах, устаноўлена мемарыяльная дошка.

Крыніцы

Літаратура

Беларуская энцыклапедыя: У 18 т. Т. 11: Мугір — Паліклініка / Рэдкал.: Г. П. Пашкоў і інш. — Мн. : БелЭн, 2000. — Т. 11. — 560 с. — 10 000 экз. — ISBN 985-11-0035-8. — ISBN 985-11-0188-5 (т. 11).

Спасылкі

Марыя Барысаўна Осіпава на сайце «Героі краіны»