Мацярынскае
Мацяры́нскае возера — возера ў Пухавіцкім раёне Мінскай вобласці. Знаходзіцца ў басейне ракі Свіслач, за 18 км на паўночны захад ад горада Мар’іна Горка, 2 км на поўдзень ад гарадскога пасёлка Свіслач і 2,5 км на паўднёвы ўсход ад пасёлка Дружны.
Мацярынскае возера | |
---|---|
Морфаметрыя | |
Вышыня над узроўнем мора | 167 м[1] |
Даўжыня | 1,1 км |
Шырыня | 0,9 км |
Плошча | 0,58 км² |
Аб’ём | 0,00075 км³ |
Даўжыня берагавой лініі | 3,09 км |
Найбольшая глыбіня | 1,7 м |
Сярэдняя глыбіня | 1,3 м |
Размяшчэнне | |
Краіна | Беларусь |
Рэгіён | Мінская вобласць |
|
|
|
|
|
|
Медыяфайлы на Вікісховішчы |
Агульнае правіць
Плошча 0,58 км², даўжыня 1,1 км, найбольшая шырыня 0,9 км. Даўжыня берагавой лініі 3,09 км. Найбольшая глыбіня 1,7 м, сярэдняя — 1,3 м. Схілы катлавіны возера на поўначы пад лесам і хмызняком. Падчас паводкі сцёк з возера ў раку Свіслач.
У возеры водзяцца шчупак, карась, плотка, акунь і іншыя віды рыб.
Карысныя ўласцівасці правіць
Мацярынскае возера з’яўляецца тарфяным і мае лекавыя ўласцівасці, з якіх адзначаюць:
- лячэнне захворванняў апорна-рухальнага апарату;
- лячэнне захворванняў палавых органаў;
- лячэнне хранічнага прастатыту;
- посттраўматычная рэабілітацыя;
- спрыяльны ўплыў на нервовую сістэму;
- спрыяльны ўплыў на скуру;
- запаволенне працэсаў старэння.
Супрацьпаказанні для купання правіць
- пры захворваннях сэрца;
- пры інфекцыйных захворваннях;
- пры алергічных і інш. хваробах;
- пры захворваннях шчытападобнай залозы (тырэятаксікоз);
- пры незагоеных ранах;
- пры абвастрэнні хвароб.
Чуткі правіць
У часы СССР з нейкага НДІ прыязджалі для вызначэння глыбіні возера, але не здолелі гэтага зрабіць, выказаўшы здагадку пра падвоенае дно.
Літаратура правіць
- Мацярынскае возера // Беларуская энцыклапедыя: У 18 т. Т. 10: Малайзія — Мугаджары / Рэдкал.: Г. П. Пашкоў і інш. — Мн. : БелЭн, 2000. — Т. 10. — С. 233. — 10 000 экз. — ISBN 985-11-0035-8. — ISBN 985-11-0169-9 (т. 10).
- Республика Беларусь. Атлас охотника и рыболова: Минская область / Редактор Г. Г. Науменко. — Мн.: РУП «Белкартография», 2009. — С. 27. — 60 с. — 20 000 экз. — ISBN 978-985-508-174-7. (руск.)
Спасылкі правіць
- Морфаметрычныя паказчыкі азёр Мінскай вобласці Архівавана 6 сакавіка 2016.
- ↑ GeoNames — 2005. Праверана 9 ліпеня 2017.