Металападобніца залатая

	Металападобніца залатая
Навуковая класіфікацыя
Дамен:	Эўкарыёты
Царства:	Жывёлы
Падцарства:	Эўметазоі
Без рангу:	Двухбакова-сіметрычныя
Без рангу:	Першаснаротыя
Без рангу:	Ecdysozoa
Без рангу:	Panarthropoda
Тып:	Членістаногія
Падтып:	Трахейнадыхальныя
Надклас:	Шасціногія
Клас:	Насякомыя
Падклас:	Крылатыя насякомыя
Інфраклас:	Навакрылыя насякомыя
Надатрад:	Насякомыя з поўным метамарфозам
Атрад:	Матылі
Падатрад:	Glossata
Надсямейства:	Noctuoidea
Сямейства:	Соўкі
Падсямейства:	Plusiinae
Трыба:	Plusiini
Род:	Autoplusiina
Род:	Diachrysia
Від:	Металападобніца залатая
Міжнародная навуковая назва
	Diachrysia chrysitis
NCBI	179674
EOL	547000

Металападобніца залатая (Diachrysia chrysitis) — начны матылёк з сямейства совак.

Апісанне правіць

Даўжыня пярэдняга крыла 16-18 мм Размах крылаў 28-35 мм. Вусікі шчацінкападобныя, у самцоў з кароткімі раснічкамі. Ніжнегубныя шчупікі ў 1,5 раза даўжэй за галаву, загнутыя ўверх і назад, з доўгім 3-м членікам. Пярэднія крылы карычневага колеру з палямі ў прыкаранёвай і постдыскальнай галінах, колер якіх з’яўляецца вельмі варыябельным. Гэтыя палі нярэдка злучаныя паміж сабой перамычкай. Сярэдняе поле і прыкаранёвая зона цёмна-карычневага колеру. Вонкавае прыкаранёвае поле і каёмкавае — зялёнага колеру з характэрным металічным бляскам залацістага або латуннага адценняў. Плямы мала выступаюць, абведзеныя светлымі абадкамі. Заднія крылы карычневага або карычнева-шэрага колеру.

Пашырэнне правіць

Від жыве на тэрыторыі Еўропы, на Каўказе і ў азіяцкай частцы Расіі. На Беларусі насяляе палі, лугі, лясы, паркі, сады.

Біялогія правіць

Развіваецца ў двух пакаленнях за год. Час лёту першага пакалення — з сярэдзіны мая па пачатак чэрвеня, другога пакалення — з канца чэрвеня па верасень.

Стадыя вусеня: першае пакаленне — з верасня па май, другое пакаленне — з чэрвеня па ліпень. Вусені харчуюцца на розных травяністых раслінах — крапіва, крапіва двудомная, яснотка, чартапалох і мацярдушка звычайная, трыпутнік, шалфей, сіняк, зябер. Зімуе вусень.

Зноскі

Літаратура правіць

Анфінагенава В. Г. Соўкі // Энцыклапедыя прыроды Беларусі. У 5-і т. Т. 4. Недалька — Стаўраліт / Рэдкал. І. П. Шамякін (гал. рэд.) і інш. — Мн.: БелСЭ імя Петруся Броўкі, 1985. — 599 с., іл. — 10 000 экз.