Мядзведкі

Мядзве́дкі (Gryllotalpidae) — сямейства насякомых надсямейства цвыркуновых атрада прамакрылых. Існуе каля 50 відаў. Пашыраны ўсюды. Шкоднікі палявых, агароднінных, пладовых культур і лясных парод. На Беларусі ў вільготных мясцінах (каля вадаёмах, у садах, агародах і інш.) трапляецца мядзведка звычайная (Gryllotalpa gryllotalpa).

Мядзведкі
Мядзведка звычайная (Gryllotalpa gryllotalpa)
Навуковая класіфікацыя
прамежныя рангі Дамен:  Эўкарыёты Царства:  Жывёлы Падцарства:  Эўметазоі Без рангу:  Двухбакова-сіметрычныя Без рангу:  Першаснаротыя Без рангу:  Ecdysozoa Без рангу:  Panarthropoda Тып:  Членістаногія Падтып:  Трахейнадыхальныя Надклас:  Шасціногія Клас:  Насякомыя Падклас:  Крылатыя насякомыя Інфраклас:  Навакрылыя насякомыя Атрад:  Прамакрылыя Падатрад:  Ensifera Інфраатрад:  Gryllidea Надсямейства:  Цвыркуновыя Сямейства:  Мядзведкі
Міжнародная навуковая назва
Gryllotalpidae Leach, 1815
Падсямействы
Gryllotalpinae Scapteriscinae † Marchandiinae
Карта распаўсюджання
Gryllotalpa   Scapteriscus   Neocurtilla
Сістэматыка на Віківідах Выявы на Вікісховішчы ITIS   102369 NCBI   208677 EOL   995 FW   192820

Апісанне

Цела даўжынёй 25-60 мм, цёмнае, густа ўкрытае дробнымі валаскамі. Пярэдняспінка вялікая. Пярэднія ногі капальныя, з моцна развітымі сцёгнамі і галёнкамі. Надкрылы кароткія. Крылы шырокія, доўгія, складзенныя ў выглядзе жгутоў.

Жывуць у верхніх слаях глебы. Кормяцца падземнымі часцямі раслін, насеннем, насякомымі, іх лічынкамі, чарвямі. На паверхню выходзяць ноччу.

Поўны цыкл развіцця 1-3 гады. Зімуюць лічынкі і дарослыя формы.

Літаратура

• Беларуская энцыклапедыя: У 18 т. Т. 11: Мугір — Паліклініка / Рэдкал.: Г. П. Пашкоў і інш. — Мн. : БелЭн, 2000. — Т. 11. — 560 с. — 10 000 экз. — ISBN 985-11-0035-8. — ISBN 985-11-0188-5 (т. 11).