Мікалай Аляксандравіч Троіцкі

Мікалай Аляксандравіч Тро́іцкі (руск.: Николай Александрович Троицкий; 3 красавіка 1927, Таржок — 18 мая 1999) — вучоны ў галіне генетыкі мікраарганізмаў, доктар біялагічных навук (1970), прафесар (1972).

Мікалай Аляксандравіч Троіцкі
руск.: Николай Александрович Троицкий
Дата нараджэння	3 красавіка 1927(1927-04-03)
Месца нараджэння	Таржок, Наваторжскі павет[d], Цвярская губерня, РСФСР, СССР
Дата смерці	18 мая 1999(1999-05-18) (72 гады)
Грамадзянства	СССР  Беларусь
Навуковая сфера	генетыка
Месца працы	Беларускі навукова-даследчы ветэрынарны інстытут Інстытут генетыкі і цыталогіі НАН Беларусі
Навуковая ступень	доктар біялагічных навук (1970)
Навуковае званне	прафесар (1972)
Альма-матар	Маскоўская дзяржаўная акадэмія ветэрынарнай медыцыны і біятэхналогіі імя К. І. Скрабіна[d] (1948)

Біяграфія

Нарадзіўся ў горадзе Таржок Наваторжскага павета Цвярской губерні (сучасны адміністрацыйны цэнтр Таржоцкага раёна Цвярской вобласці Расіі). У 1948 годзе скончыў Маскоўскі зоаветэрынарны інстытут. З 1957 года працаваў у Беларускім навукова-даследчым ветэрынарным інстытуце. З 1959 года ў Інстытуце генетыкі і цыталогіі, дзе ў 1965—1999 гадах займаў пасаду загадчыка лабараторыяй.

Навуковая дзейнасць

Аўтар навуковых прац па праблемах генетычнай эфектыўнасці прамежкавых нейтронаў і іх уплыву на спадчыннасць, генетычнай інжынерыі азотфіксавальных мікраарганізмаў.

Сярод апублікаванага:

• Современные проблемы радиационной генетики. — М., 1969. (у сааўтарстве);
• Генетические эффекты промежуточных нейтронов / Н. А. Троицкий, Н. В. Турбин, М. А. Арсеньева; Ин-т генетики и цитологии АН БССР. — Минск: Наука и техника, 1971.;
• Конъюгация бактерий. — Мн., 1978. (разам з С. Я. Драмашка і К. М. Якавенка);
• Генетическая инженерия: науч. изд. / Н. А. Троицкий, Н. А. Картель; АН БССР, Ин-т генетики и цитологии, Белорусское о-во генетиков и селекционеров. — Минск: Наука и техника, 1980.

Літаратура

• Троіцкі Мікалай Аляксандравіч // Беларуская энцыклапедыя: У 18 т. Т. 15: Следавікі — Трыо / Рэдкал.: Г. П. Пашкоў і інш. — Мн. : БелЭн, 2002. — Т. 15. — С. 527. — 10 000 экз. — ISBN 985-11-0035-8. — ISBN 985-11-0251-2 (т. 15).
• Троіцкі Мікалай Аляксандравіч // Энцыклапедыя прыроды Беларусі. У 5-і т. Т. 5. Стаўраструм — Яшчур / Рэдкал. І. П. Шамякін (гал. рэд.) і інш. — Мн.: БелСЭ імя Петруся Броўкі, 1986. — С. 101. — 583 с., іл. — 10 000 экз.

Спасылкі

• Троицкий, Николай Александрович (доктор биологических наук, генетика; 1927—1999)(недаступная спасылка) (руск.) // Нацыянальная бібліятэка Беларусі
• Троіцкі Мікалай Аляксандравіч на сайце анлайн-энцыклапедыі «Беларусь у асобах і падзеях»