Мікалай Мікалаевіч Тамашэвіч
Мікалай Мікалаевіч Тамашэ́віч (13 мая 1921, вёска Новыя Валосавічы, Лепельскі раён, Віцебская вобласць — 23 верасня 1983) — удзельнік Вялікай Айчыннай вайны. Герой Савецкага Саюза (1944).
| Мікалай Мікалаевіч Тамашэвіч | ||||||
|---|---|---|---|---|---|---|
| Дата нараджэння | 13 мая 1921 | |||||
| Месца нараджэння | вёска Новыя Валосавічы, Барысаўскі павет, | |||||
| Дата смерці | 23 верасня 1983 (62 гады) | |||||
| Месца смерці | Ленінград | |||||
| Месца пахавання | ||||||
| Прыналежнасць |
 СССР |
|||||
| Род войскаў | Танкавыя войскі | |||||
| Гады службы | 1940—1956 | |||||
| Званне | капітан | |||||
| Бітвы/войны | Вялікая Айчынная вайна | |||||
| Узнагароды і званні |
|
|||||
Біяграфія правіць
М. М. Тамашэвіч нарадзіўся ў вёсцы Новыя Валосавічы (цяпер у Лепельскім раёне Віцебскай вобласці Беларусі). Скончыў 7 класаў і 2 курсы рачнога тэхнікума ў Мазыры. У Чырвонай Арміі з 1940 г. Падчас Вялікай Айчыннай вайны з чэрвеня 1941 г. на Паўночна-Заходнім, Волхаўскім, Ленінградскім, Карэльскім франтах. Удзельнік абарончых баёў на тэрыторыі Латвіі, Эстоніі, абароны і прарыву блакады Леніграда, вызвалення Карэліі і Запаляр'я. У 1943 годзе скончыў курсы малодшых лейтэнантаў.
Экіпаж танка (7-я асобная гвардзейская танкавая брыгада) пад камандаваннем малодшага лейтэнанта М. М. Тамашэвіча вызначыўся 22 студзеня 1944 г. у ходзе баёў за вёску Кшэнціцы ў Ленінградскай вобласці: прарваў абарону праціўніка, трапіўшы ў акружэнне, на працягу 3-х дзён вёў абарону да падыходу асноўных сіл савецкай пяхоты.
У 1945 годзе М. М. Тамашэвіч скончыў Ленінградскую вышэйшую афіцэрскую бронетанкавую школу і працягваў службу ў Ленінградскай ваеннай акрузе (камандзір танкавага батальёна).
З 1956 г. капітан М. Тамашэвіч у запасе. Жыў і працаваў у Ленінградзе.
Узнагароды правіць
- Медаль «Залатая Зорка»
- Ордэн Леніна
- Ордэн Айчыннай вайны 1-й ступені
- Ордэн Айчыннай вайны 2-й ступені
- Медаль «За адвагу»
- Медаль «За абарону Савецкага Запаляр'я» і інш.
Зноскі
Літаратура правіць
- Беларуская энцыклапедыя: У 18 т. Т. 15: Следавікі — Трыо / Рэдкал.: Г. П. Пашкоў і інш. — Мн. : БелЭн, 2002. — Т. 15. — 552 с. — 10 000 экз. — ISBN 985-11-0035-8. — ISBN 985-11-0251-2 (т. 15). — С. 412—413.
Спасылкі правіць
- Лепельчане — Герои Советского Союза Архівавана 9 лістапада 2013. (руск.)
- Мікалай Мікалаевіч Тамашэвіч на сайце «Героі краіны»