Міхаіл Яўхімавіч Крошнер

Міхаіл Яўхімавіч Крошнер (1900, Кіеў — 1942) — беларускі кампазітар. Заслужаны артыст БССР (1940).

Міхаіл Яўхімавіч Крошнер
Асноўная інфармацыя
Дата нараджэння	1900
Месца нараджэння	Кіеў, Кіеўская губерня, Расійская імперыя
Дата смерці	28 ліпеня 1942(1942-07-28)
Месца смерці	Мінск, Генеральная акруга Беларусь, Рэйхскамісарыят Остланд
Краіна	Расійская імперыя  СССР
Альма-матар	Беларуская дзяржаўная акадэмія музыкі
Месца працы	Нацыянальны акадэмічны Вялікі тэатр оперы і балета Рэспублікі Беларусь
Музычная дзейнасць
Педагог	Васіль Андрэевіч Залатароў
Прафесіі	кампазітар
Узнагароды

Біяграфія

У 1918—1931 гадах у канцэртных арганізацыях і тэатрах Кіева і Масквы. Скончыў у 1937 годзе Беларускую кансерваторыю па класе кампазіцыі у В. А. Залатарова. У 1933—1938 гадах працаваў у Дзяржаўным тэатры оперы і балета Беларусі.

Творчасць

Аўтар сімфанічных танцаў, рамансаў на вершы Я. Купалы, Я. Коласа, М. Лужаніна, А. С. Пушкіна, хароў, апрацовак беларускіх і яўрэйскіх народных песень. Аўтар першага нацыянальнага беларускага балета «Салавей» (па аповесці З. Бядулі). У 1939 годзе балет «Салавей» пастаўлены ў Адэскім тэатры оперы і балета. Напісаў таксама музыку да спектакля «Цвей кунімлех» («Два недарэкі») А. Гольдфадэна ў Дзяржаўным яўрэйскім тэатры БССР (1940).

Большая частка творчай спадчыны і сам кампазітар загінулі падчас нямецкай акупацыі Беларусі.

Літаратура

• Міхаіл Яўхімавіч Крошнер // Тэатральная Беларусь: энцыклапедыя : у 2 т. / рэдкал.: Г. П. Пашкоў [і інш.]. — Мн., 2002. — Т. 1.
• Кро́шнер Міхаіл Яўхімавіч // Беларусь: энцыклапедычны даведнік / Рэдкал. Б. І. Сачанка (гал. рэд.) і інш.; Маст. М. В. Драко, А. М. Хількевіч. — Мн.: БелЭн, 1995. — С. 402. — 800 с. — 5 000 экз. — ISBN 985-11-0026-9.