Нявіда
Няві́да, Нявідава — возера ў Полацкім раёне Віцебскай вобласці ў басейне ракі Нача, за 28 км у напрамку на паўднёвы захад ад Полацка, за 1,5 км ад вёскі Загацце.
| Нявіда | |
|---|---|
| Морфаметрыя | |
| Вышыня над узроўнем мора | 137,4 м |
| Даўжыня | 1,9 км |
| Шырыня | 0,82 км |
| Плошча | 1,09 км² |
| Аб’ём | 0,00496 км³ |
| Даўжыня берагавой лініі | 5,2 км |
| Найбольшая глыбіня | 9 м |
| Гідралогія | |
| Празрыстасць | 1,6 м |
| Басейн | |
| Плошча вадазбору | 78 км² |
| Упадаюць | рака Быстрыца, ручаі |
| Выцякаюць | рака Быстрыца |
| Размяшчэнне | |
| Краіна |
 Беларусь |
| Рэгіён | Віцебская вобласць |
  Нявіда |
|
|
|
|
 Нявіда |
|
 |
|
Плошча паверхні возера 1,09 км². Даўжыня 1,9 км, найбольшая шырыня 0,82 км. Найбольшая глыбіня дасягае 9 м. Даўжыня берагавой лініі 5,2 км, плошча вадазбору 78 км².
Катлавіна Нявіда лагчыннага тыпу. Схілы катлавіны ад 3—15 да 20—25 м. Берагавая лінія ўтварае залівы і паўастравы. Берагі нізкія. Пойма на ўсходзе, поўдні і паўночным захадзе возера шырынёй да 400 метраў. Мелкаводдзе пясчанае. Да глыбіні 4 м дно возера гліністае, глыбей — выслана гліністым ілам.
Возера эўтрофнае, праточнае. Расліннасць распаўсюджваецца да глыбіні 3 м. Праз возера працякае рака Быстрыца і злучае Нявіда з азёрамі Бабынічы і Лесава. Упадаюць ручаі, у т.л. ручай з возера Вялікі Белянок.
У возеры водзяцца шчупак, лешч, плотка, карась, гусцяра і іншыя віды рыб.
Каля возера база адпачынку «Нявіда»[1] і паляўніча-рыбалоўная база Полацкай лесапаляўнічай гаспадаркі[2].
Зноскі
- ↑ База отдыха Невидо (руск.)
- ↑ Республика беларусь. Витебская область. Полоцкий район: карта / Ред. В. А. Змачинская. — Мн.: Белкартография, 2012. — 5 000 экз. (руск.)
Літаратура
правіць- Энцыклапедыя прыроды Беларусі. У 5-і т. Т.1 / Рэдкал.: І. П. Шамякін (гал. рэд.) і інш. — Мн.: БелСЭ, 1983. — Т. 1. — 575 с. — 10 000 экз.
- Республика Беларусь. Атлас охотника и рыболова: Витебская область / Редактор Г. Г. Науменко. — Мн.: РУП «Белкартография», 2010. — С. 19, 64. — 72 с. — 10 000 экз. — ISBN 978-985-508-136-5. (руск.)
- Беларуская энцыклапедыя: У 18 т. Т. 11: Мугір — Паліклініка / Рэдкал.: Г. П. Пашкоў і інш. — Мн. : БелЭн, 2000. — Т. 11. — 560 с. — 10 000 экз. — ISBN 985-11-0035-8. — ISBN 985-11-0188-5 (т. 11).
- Республика Беларусь. Витебская область. Полоцкий район: карта / Ред. В. А. Змачинская. — Мн.: Белкартография, 2012. — 5 000 экз. (руск.)
Спасылкі
правіць- Возера Нявіда Архівавана 7 лютага 2013.
- Озёра Полоцкого района Архівавана 14 жніўня 2012. (руск.)