Перасяцінец

Перасяцінец
Краіна	Беларусь
Вобласць	Гомельская
Раён	Брагінскі
Сельсавет	Хракавіцкі
Каардынаты	51°36′03″ пн. ш. 30°12′24″ у. д.HGЯO
Першая згадка	XIX стагоддзе
СААТА	3203854071

Перасяці́нец^[1] (трансліт.: Pierasiaciniec, руск.: Пересетинец) — былая вёска ў Брагінскім раёне Гомельскай вобласці. Уваходзіла ў склад Хракавіцкага сельсавета.

Пасля катастрофы на Чарнобыльскай АЭС і радыяцыйнага забруджвання жыхары (29 сем'яў) пераселены ў 1986 годзе ў чыстыя месцы. Ліквідавана 20 жніўня 2008 года^[2].

Геаграфія

Размяшчэнне

У 33 км на паўднёвы захад ад Брагіна, 61 км ад чыгуначнай станцыі Хойнікі (на галінцы Васілевічы — Хойнікі ад лініі Калінкавічы — Гомель), 150 км ад Гомеля, на тэрыторыі Палескага радыяцыйна-экалагічнага запаведніка.

Гідраграфія

На захадзе меліярацыйныя каналы.

Транспартная сетка

Транспартныя сувязі па прасёлкавай, затым аўтамабільнай дарозе Камарын — Брагін.

Планіроўка складаецца з 2 просталінейных кароткіх вуліц, арыентаваных з паўднёвага ўсходу на паўночны захад і злучаных завулкам. Забудова драўлянымі хатамі, рэдкая, сядзібнага тыпу.

Гісторыя

Вядомая з XIX стагоддзя як вёска ў Рэчыцкім павеце Мінскай губерні У 1850 годзе валоданне Празора.

З 8 снежня 1926 года па 30 снежня 1927 года цэнтр Перасяцінскага сельсавета Камарынскага раёна Гомельскай акругі. З 30 снежня 1927 года да 12 лістапада 1966 года вёска ўваходзіла ў склад Сцепаноўскага сельсавета^[3] (з 24 красавіка 1934 года да 1938 года яго цэнтр), пасля — у склад Савіцкага сельсавета, які 26 сакавіка 1987 года быў перайменаваны ў Хракавіцкі сельсавет.

У 1930 годзе арганізаваны калгас імя В. І. Леніна, працавалі гамарня і поўсцечасальня. Падчас Вялікай Айчыннай вайны у маі 1943 года фашысты цалкам спалілі вёску і забілі 4 жыхароў. У 1959 годзе ўваходзіла ў склад саўгаса «Савічы» (цэнтр — вёска Савічы).

Насельніцтва

Колькасць

2010 год — жыхароў няма.

Дынаміка

1850 год — 13 двароў, 68 жыхароў.
1940 год — 60 двароў, 240 жыхароў.
1959 год — 184 жыхара (паводле перапісу).
1986 год — жыхары (29 сем'яў) пераселены.

Вядомыя выхадцы

Г. С. Сарокін — Герой Сацыялістычнай Працы.

Зноскі

↑ Назвы населеных пунктаў Рэспублікі Беларусь: Гомельская вобласць: нарматыўны даведнік / Н. А. Багамольнікава і інш.; пад рэд. В. П. Лемцюговай. — Мн.: Тэхналогія, 2006. — 382 с. ISBN 985-458-131-4 (DJVU).
↑ «Об упразднении сельских населенных пунктов Брагинского района». Решение Брагинского районного Совета депутатов от 20 августа 2008 г. № 68 Архівавана 17 сакавіка 2018. (руск.)
↑ Рашэнне выканкома Гомельскага абласнога Савета дэпутатаў працоўных ад 12 лістапада 1966 г. // Збор законаў, указаў Прэзідыума Вярхоўнага Савета Беларускай ССР, пастаноў і распараджэнняў Савета Міністраў Беларускай ССР. — 1967, № 1 (1159).

Літаратура

Гарады і вёскі Беларусі: Энцыклапедыя. Т.1, кн.1. Гомельская вобласць/С. В. Марцэлеў; Рэдкалегія: Г. П. Пашкоў (галоўны рэдактар) і інш. — Мн.: Белэн, 2004. 632с.: іл. Тыраж 4000 экз. ISBN 985-11-0303-9 ISBN 985-11-0302-0

[1] Назвы населеных пунктаў Рэспублікі Беларусь: Гомельская вобласць: нарматыўны даведнік / Н. А. Багамольнікава і інш.; пад рэд. В. П. Лемцюговай. — Мн.: Тэхналогія, 2006. — 382 с. ISBN 985-458-131-4 (DJVU).

[2] «Об упразднении сельских населенных пунктов Брагинского района». Решение Брагинского районного Совета депутатов от 20 августа 2008 г. № 68 Архівавана 17 сакавіка 2018. (руск.)

[3] Рашэнне выканкома Гомельскага абласнога Савета дэпутатаў працоўных ад 12 лістапада 1966 г. // Збор законаў, указаў Прэзідыума Вярхоўнага Савета Беларускай ССР, пастаноў і распараджэнняў Савета Міністраў Беларускай ССР. — 1967, № 1 (1159).

[1]

[2]

[3]