Сіла

Сіла — фізічная вектарная велічыня, што ёсць мерай уздзеяння аднаго цела на іншае.

Сіла
$\ F$
Размернасць	LMT−2
Адзінкі вымярэння
СІ	ньютан
СГС	дзіна
Заўвагі
вектарная велічыня

Класічная механіка

${\vec {F}}={\frac {\mathrm {d} }{\mathrm {d} t}}(m{\vec {v}})$ Другі закон Ньютана

Гісторыя… Фундаментальныя паняцці Прастора · Час · Маса · Сіла Энергія · Імпульс Фармулёўкі Ньютанаўская механіка Лагранжава механіка Гамільтанава механіка Фармалізм Гамільтана — Якобі Раздзелы Прыкладная механіка Нябесная механіка Механіка суцэльных асяроддзяў Геаметрычная оптыка Статыстычная механіка Вучоныя Галілей · Кеплер · Ньютан Эйлер · Лаплас · Д’Аламбер Лагранж · Гамільтан · Кашы

Паводле сучасных уяўленняў, вынікам дзеяння сілы на матэрыяльны пункт ёсць яго паскарэнне, пры гэтым чым больш сіла, тым большае паскарэнне атрымае матэрыяльны пункт (гл. другі закон Ньютана).

Аб’ядноўвае ўсе сілы тое, што яны выклікаюць паскораны рух масіўных целаў і ўзнікненне ў гэтых целах дэфармацый.

Вынікам уздзеяння сілы на складаную механічную сістэму можа быць не лінейнае паскарэнне (або не толькі лінейнае паскарэнне), а таксама вуглавое паскарэнне або дэфармацыя. Пры разглядзе ўздзеяння сілы на складаную механічную сістэму вялікае значэнне мае пункт прыкладання сілы, г.зн. пункт, на які ўздзейнічае сіла. Ад гэтага моцна залежыць вынік яе ўздзеяння.

ma — раўнадзейная сіл, якія дзейнічаюць на аўтамабіль, што рухаецца па нахільнай плоскасці

Раўнадзейная сіла

Раўнадзейная сіла — сіла, уздзеянне якой на цела мела б такі ж вынік, які даюць тыя сілы, што ўздзейнічаюць на яго.

Згодна з прынцыпам незалежнасці дзеяння сіл, сілы ўздзейнічаюць на цела незалежна адна ад адной. У адпаведнасці з гэтым, раўнадзейную сілу можна знайсці як вектарную суму ўсіх сіл, што ўздзейнічаюць на матэрыяльны пункт.

Для складаных механічных сістэм знаходжанне раўнадзейнай сілы як вектарнай сумы ўсіх сіл, у агульным выпадку, з’яўляецца памылкай, бо значэнне мае не толькі велічыня і напрамак, але таксама пункт прыкладання сілы.

Гл. таксама

• Сіла цяжару
• Сіла рэакцыі
• Сіла трэння