Рыгор Канстанцінавіч Пукст

Рыгор Канстанцінавіч Пукст (27 лістапада 1900, Гомель — 11 лістапада 1960, Мінск) — беларускі кампазітар. Заслужаны дзеяч мастацтваў БССР (1955).

Рыгор Канстанцінавіч Пукст
Дата нараджэння	27 лістапада 1900(1900-11-27)
Месца нараджэння	Гомель, Гомельскі павет, Магілёўская губерня, Расійская імперыя
Дата смерці	11 лістапада 1960(1960-11-11) (59 гадоў)
Месца смерці	Мінск, БССР, СССР
Месца пахавання	Усходнія могілкі
Краіна	Расійская імперыя  СССР
Дзеці	Яўген Рыгоравіч Пукст[d]
Альма-матар	Маскоўская дзяржаўная кансерваторыя імя П. І. Чайкоўскага
Месца працы	Гомельскае музычнае вучылішча Беларуская дзяржаўная кансерваторыя імя А. В. Луначарскага Першы Нацыянальны канал Беларускага радыё
Музычная дзейнасць
Прафесіі	кампазітар, хормайстар
Грамадская дзейнасць
Партыя	УКП(б)
Узнагароды

Біяграфія

Скончыў Маскоўскую кансерваторыю, з 1929 года выкладаў у Омскім музычным тэхнікуме, у 1932 годзе пераехаў у БССР. Да Вялікай Айчыннай вайны выкладаў у Гомельскім музычным тэхнікуме, пасля (у 1944—1949 і 1959—1960 гадах) — у Беларускай дзяржаўнай кансерваторыі (Мінск). Адначасова з 1949 года хормайстар, мастацкі кіраўнік музычнага вяшчання Беларускага радыё.

Творчасць

Аўтар опер «Машэка» (1945), «Марынка» (1955), «Свіцязянка» (1960), 6 сімфоній, хораў, рамансаў. Аўтар вядомай сімфанічнай фантазіі «Перапёлачка», апрацовак народных песень. Пісаў музыку да фільмаў і тэатральных спектакляў.

Сям’я

Сын Яўген стаў піяністам, унук Сяргей — кампазітарам, музыкантам і музычным журналістам.

Памяць

У горадзе Гомель, на доме дзе нарадзіўся Рыгор Канстанцінавіч Пукст, устаноўлена мемарыяльная дошка.

Літаратура

• Пукст Рыгор Канстанцінавіч // Беларуская энцыклапедыя: У 18 т. Т. 13: Праміле — Рэлаксін / Рэдкал.: Г. П. Пашкоў і інш. — Мн. : БелЭн, 2001. — Т. 13. — С. 112. — 10 000 экз. — ISBN 985-11-0035-8. — ISBN 985-11-0216-4 (т. 13).
• Пукст Рыгор Канстанцінавіч // Беларусь: энцыклапедычны даведнік / Рэдкал. Б. І. Сачанка (гал. рэд.) і інш.; Маст. М. В. Драко, А. М. Хількевіч. — Мн.: БелЭн, 1995. — С. 608. — 800 с. — 5 000 экз. — ISBN 985-11-0026-9.
• Музыкальная энциклопедия. / Под ред. Ю. В. Келдыша. — М.: Советская энциклопедия, Советский композитор, 1973—1982. (руск.)
• Театральная энциклопедия. Том 4. / Глав. ред. П. А. Марков — М.: Советская энциклопедия, 1965. — 1152 стб. с илл., 76 л. илл. (руск.)

Спасылкі

• Самородок из Гомеля: 120 лет со дня рождения Григория Пукста (руск.) // СБ. Беларусь сегодня