Свята-Іаана-Багаслоўская царква (Галомысла)

Свята-Іаана-Багаслоўская царква — праваслаўны храм у вёсцы Галомысла Мёрскага раёна Віцебскай вобласці. Знаходзіцца на заходняй ускраіне вёскі.

Праваслаўны храм
Свята-Іаана-Багаслоўская царква
55°31′59″ пн. ш. 28°05′59″ у. д.
Краіна	Беларусь
Вёска	Галомысла
Канфесія	Праваслаўе
Епархія	Полацкая і Глыбоцкая
Благачынне	Мёрскае
Архітэктурны стыль	народнае дойлідства
Дата пабудовы	1840 год
Статус	Гісторыка-культурная каштоўнасць Беларусі, шыфр 213Г000553
Медыяфайлы на Вікісховішчы

Гісторыя

Пабудавана ў 1840 годзе з дрэва.

Архітэктура

Помнік народнага дойлідства. Трохзрубны храм уключае 2- ярусную чацверыковую званіцу, прамавугольную малітоўную залу, пяцігранную апсіду. У сілуэце шацёр званіцы завершаны макаўкай. Такое завяршэнне мае і двухсхільны дах з вальмамі над апсідай. Гарызантальна ашаляваныя фасады расчлянёны прамавугольнымі аконнымі праёмамі ў ліштвах.

Інтэр’ер

Драўляная скульптура 17 — 18 ст. «Укрыжаванне», абразы 18 — 19 ст. «Архангел Міхаіл», «Тайная вячэра», «Архангел Гаўрыіл», іканастас.

Літаратура

• Збор помнікаў гісторыі і культуры Беларусі / АН БССР. Ін-т мастацтвазнаўства, этнаграфіі і фальклору; Рэд. кал.: С. В. Марцэлеў (гал. рэд.) і інш. — Мн.: БелСЭ, 1985. — Віцебская вобласць. — 496 с., іл. — С. 305
• Праваслаўныя храмы Беларусі : энцыклапедычны даведнік / А. М. Кулагін; [рэдакцыйны савет: Г. П. Пашкоў, Л. В. Календа]. — Мінск: Беларуская Энцыклапедыя, 2007. — 653 с. 2000 экз. ISBN 978-985-11-0389-4

Спасылкі

• На Вікісховішчы ёсць медыяфайлы па тэме Свята-Іаана-Багаслоўская царква (Галомысла)

• Свята-Іаана-Багаслоўская царква (Галомысла) на сайце «Архіварта»