Свята-Мікалаеўская царква (Калінавае)

Свя́та-Мікала́еўская царква́ — праваслаўны храм у в. Калінавае (Блошнікі) Мёрскага раёна Віцебскай вобласці.

Праваслаўны храм
Свята-Мікалаеўская царква
55°21′21″ пн. ш. 28°13′23″ у. д.
Краіна	Беларусь
Вёска	Калінавае
Канфесія	Праваслаўе
Епархія	Полацкая і Глыбоцкая
Благачынне	Мёрскае
Архітэктурны стыль	рэтраспектыўна-рускі
Будаўніцтва	1900—1912 гады
Статус	Гісторыка-культурная каштоўнасць Беларусі, шыфр 213Г000559
Стан	дзейнічае
Медыяфайлы на Вікісховішчы

Гісторыя

У цэнтры вёскі. Пабудавана ў 1900—1912 гадах з цэглы на месцы папярэдняга храма, які згадваецца ў 1895 годзе.

Архітэктура

Помнік архітэктуры сінадальнага накірунку рэтраспектыўна-рускага стылю. Аб’ёмна-прасторавая кампазіцыя храма ўключае двух’ярусную шатровую званіцу, нізкую трапезную, кубападобны аб’ём малітоўнай залы, пяцігранную апсіду з невялікай рызніцай. Вертыкальнымі дамінантамі збудавання з’яўляецца званіца з макаўкай у завяршэнні і цыбулепадобны купал на васьмігранным барабане над пакатым чатырохсхільным дахам асноўнага аб’ёму. Фасады дэкарыраваны зубчастымі фрызамі, лапаткамі, кілепадобнымі ліштвамі арачных аконных праёмаў.

Інтэр’ер

У інтэр’еры апсіда вылучана трох’ярусным драўляным іканастасам эклектычнай трактоўкі. Абраз 18 ст. «Святая з жэзлам».

Літаратура

• Збор помнікаў гісторыі і культуры Беларусі / АН БССР. Ін-т мастацтвазнаўства, этнаграфіі і фальклору; Рэд. кал.: С. В. Марцэлеў (гал. рэд.) і інш. — Мн.: БелСЭ, 1985. — Віцебская вобласць. — 496 с., іл.
• Праваслаўныя храмы Беларусі: энцыклапедычны даведнік / А. М. Кулагін; [рэдакцыйны савет: Г. П. Пашкоў, Л. В. Календа]. — Мінск: Беларуская Энцыклапедыя, 2007. — 653 с. 2000 экз. ISBN 978-985-11-0389-4.

Спасылкі

• На Вікісховішчы ёсць медыяфайлы па тэме Свята-Мікалаеўская царква (Калінавае)
• Свята-Мікалаеўская царква (Калінавае) на сайце Глобус Беларусі (руск.)
• Свята-Мікалаеўская царква (Калінавае) на сайце Radzima.org
• Свята-Мікалаеўская царква (Калінавае) на сайце «Архіварта»