Свята-Міхайлаўская царква (Чэрск)
Свята-Міхайлаўская царква — праваслаўная царква, помнік архітэктуры барока. Знаходзіцца ў цэнтры вёскі Чэрск Брэсцкага раёна Брэсцкай вобласці.
Славутасць | |
Свята-Міхайлаўская царква | |
---|---|
![]() | |
51°42′48,25″ пн. ш. 23°41′43,83″ у. д.HGЯO | |
Краіна |
![]() |
Вёска | Чэрск |
Канфесія | Беларуская праваслаўная царква |
Епархія | Брэсцкая |
Архітэктурны стыль | заходнепалеская школа дойлідства, барока |
Архітэктар | невядомы |
Будаўніцтва | 1701 |
Статус |
![]() |
Матэрыял | драўніна |
Стан | дзейнічае |
![]() |
ГісторыяПравіць
Пабудавана са званіцай з дрэва на мяжы 17—18 ст. (да 1701), адноўлена ў 1860-я гады.
Паводле даследавання К. Зданьскага, у Міхайлаўскай царкве яшчэ да Другой сусветнай вайны захоўвалася рукапіснае евангелле XVI ст., напісанае на старабеларускай і старапольскай мовах[1].
Унесена ў Дзяржаўны спіс гісторыка-культурных каштоўнасцей Рэспублікі Беларусь як аб’ект гісторыка-культурнай спадчыны рэспубліканскага значэння.
АрхітэктураПравіць
Асноўны кубападобны зруб пераходзіць у працяглую 5-гранную апсіду з бакавой рызніцай, раней накрытыя агульным гонтавым дахам з вальмамі па гранях апсіды. Асноўны аб'ём і апсіда былі завершаны фігурнымі барочнымі купаламі. У 19 стагоддзі да галоўнага фасада дабудаваны непрапарцыянальна вялікі квадратны ў плане прытвор.
Інтэр'ерПравіць
Малітоўная зала перакрыта корабам скляпеннем старажытнай канструкцыі. Апсіда вылучана выкананым у 1830-я гадах драўляным разным іканастасам. Абразы 18—19 ст.: «Раство Іаана», «Спас Пантакратар», «Хрыстос у сілах», «Тайная вячэра», «Маці Божая Адзігітрыя», «Архангел Міхаіл», абразы апостальскага чыну іканастаса.
ЗваніцаПравіць
Асобна пастаўлена 3-ярусная званіца арыгінальнай вобразнай трактоўкі. Над ніжнім кубічным зрубам узведзены шырэйшы пірамідальны каркасны ярус-звон, раскрыты 4-пралётнай аркадай; над ім узвышаецца 3-і чацверыковы ярус з шатровым пакрыццём і макаўкай у завяршэнні.
Зноскі
- ↑ Чэрск // Замкі, палацы, паркі Берасцейшчыны Х — XX стагоддзяў (гісторыя, стан, перспектывы) / Л. М. Несцярчук. — Мн.: БЕЛТА, 2002. — 336 с. — ISBN 985-6302-37-4.
ЛітаратураПравіць
- Кулагін А. М. Праваслаўныя храмы на Беларусі : энцыклапедычны даведнік / А. М. Кулагін. — Мн.: БелЭн, 2001. — 328 с.: іл.
СпасылкіПравіць
- На Вікісховішчы ёсць медыяфайлы па тэме Свята-Міхайлаўская царква (Чэрск)
- Свята-Міхайлаўская царква (Чэрск) на сайце Праваслаўная архітэктура Беларусі (бел.)
- Свята-Міхайлаўская царква (Чэрск) на сайце Radzima.org
- Свята-Міхайлаўская царква (Чэрск) на сайце Глобус Беларусі (руск.)
- Свята-Міхайлаўская царква (Чэрск) на сайце «Архіварта»