Сеты
Се́таўскае возера[1], Сеты[1] — возера ў Беларусі, у Глыбоцкім раёне Віцебскай вобласці ў басейне ракі Дабрылаўка, за 11 км на поўнач ад горада Глыбокае, на ўсход вёскі Вераб’і, на паўднёвы ўсход ад вёскі Загор’е.
| Сеты | |
|---|---|
| Морфаметрыя | |
| Даўжыня | 1,7 км |
| Шырыня | 0,41 км |
| Плошча | 0,49 км² |
| Аб’ём | 0,00393 км³ |
| Даўжыня берагавой лініі | 4,93 км |
| Найбольшая глыбіня | 19,8 м |
| Сярэдняя глыбіня | 8 м |
| Гідралогія | |
| Салёнасць | каля 0,26 ‰ |
| Празрыстасць | да 2,5 м |
| Басейн | |
| Плошча вадазбору | 4,72 км² |
| Размяшчэнне | |
| Краіна |
 Беларусь |
| Рэгіён | Віцебская вобласць |
  Сеты |
|
|
|
|
 Сеты |
|
 |
|
Плошча паверхні 0,49 км². Даўжыня возера 1,7 км, найбольшая шырыня 0,41 км. Даўжыня берагавой лініі 4,93 км. Найбольшая глыбіня 19,8 м, сярэдняя 8 м. Аб’ём вады 3,93 млн м³. Плошча вадазбору 4,72 км².
Катлавіна возера лагчыннага тыпу. Схілы катлавіны вышынёй 2—5 м (на захадзе і поўдні 10—27 м), разараныя, часткова пад хмызняком, на паўднёвым захадзе пад лесам. Берагавая лінія звілістая. Берагі нізкія, задзернаваныя, вышынёй да 0,3 м. На захадзе, паўночным усходзе і паўночным захадзе пойма шырынёй 3—50 м. Падводная частка катлавіны складаецца з двух плёсаў. Зона мелкаводдзя мае шырыню 5—10 м і займае каля 13 % плошчы дна. Дно выслана глеем, у зоне мелкаводдзя пясчанае.
Возера эўтрофнае. Шырыня паласы прыбярэжнай расліннасці да 50 м, месцамі адсутнічае. Злучана канавай з возерам Загорскае (Мурамшчына)[2].
Зноскі
- ↑ а б БелЭн 2002.
- ↑ ЭПБ 1985.
Літаратура правіць
- Сетаўскае возера, Сеты // Беларуская энцыклапедыя: У 18 т. Т. 14: Рэле — Слаявіна / Рэдкал.: Г. П. Пашкоў і інш. — Мн. : БелЭн, 2002. — Т. 14. — С. 355. — 10 000 экз. — ISBN 985-11-0035-8. — ISBN 985-11-0238-5 (т. 14).
- Міронаў В. Р. Сетаўскае возера // Энцыклапедыя прыроды Беларусі. У 5-і т. Т. 4. Недалька — Стаўраліт / Рэдкал. І. П. Шамякін (гал. рэд.) і інш. — Мн.: БелСЭ імя Петруся Броўкі, 1985. — 599 с., іл. — 10 000 экз.
- Блакітны скарб Беларусі: энцыклапедыя / рэдкал.: Г. П. Пашкоў [і інш.]. — Мн., 2007.
- Республика Беларусь. Витебская область. Глубокский район: карта. Глубокое: план. — Мн.: Белкартография, 2012. — 3 000 экз. (руск.)
- Ліст карты N-35-32. выданне 1980 года. (руск.)