Суляцічы

Суля́цічы (трансліт.: Suliacičy, руск.: Сулятичи) — вёска ў Навагрудскім раёне Гродзенскай вобласці Беларусі. Уваходзіць у склад Брольніцкага сельсавета.

Вёска Суляцічы Краіна Беларусь Вобласць Гродзенская Раён Навагрудскі Сельсавет Брольніцкі Каардынаты 53°37′23″ пн. ш. 25°56′15″ у. д. Насельніцтва ▼76 чал. (2019) Часавы пояс UTC+3 Тэлефонны код +375 1597 Паштовыя індэксы 231404 Аўтамабільны код 4 СААТА 4243817096 Суляцічы на карце Беларусі ±

Вядома прынамсі да 1430 года. Вялікі князь Вітаўт даў у свой час «Сулятичи» пану Рачку, а пазней яго жонцы пані Рачкавай. Паводле Р. Пятраўскаса, у пана Пятра Рачкі была дачка Ганна Мілохна, жонка пана Глеба Вяжэвіча, але лёс Суляцічаў тым часам не ясны.

Пазней Суляцічы нейкім чынам аказаліся ў валоданні князёў Заслаўскіх. Каля 1540 года ў складзе пасагу княжны Ганны Заслаўскай перайшлі да пана Яна Глябовіча.

У 1940—1954 гадах вёска — адміністрацыйны цэнтр Суляціцкага сельсавета.

Каля вёскі археалагічны помнік — курганны могільнік Суляцічы XI—XIII стагоддзяў. —  Гісторыка-культурная каштоўнасць Беларусі, шыфр 413В000460

Літаратура

• Рыбчонак С. Да праблемы паходжання магнатаў Глябовічаў — уладальнікаў Заслаўскага замка ў XVI ст. // Магнацкі двор і сацыяльнае ўзаемадзеянне (XV—XVIII стст.) : зб. навук. пр. / Музей «Замкавы комплекс „Мір“»; пад рэд. А. М. Янушкевіча. — Мн.: Медысонт, 2014. — С. 79—104.

Спасылкі

• На Вікісховішчы пакуль няма медыяфайлаў па тэме, але Вы можаце загрузіць іх