Сычы (Брэсцкі раён)

Сычы
Краіна	Беларусь
Вобласць	Брэсцкая
Раён	Брэсцкі
Сельсавет	Матыкальскі
Каардынаты	52°12′57″ пн. ш. 23°28′03″ у. д.HGЯO
Вышыня цэнтра	167 м
Насельніцтва	▼43 чал. (2009);
Часавы пояс	UTC+3
Тэлефонны код	+375 162
Паштовыя індэксы	225036
Аўтамабільны код	1
	Сычы на Вікісховішчы

Сычы́^[2] (трансліт.: Syčy, руск.: Сычи) — вёска ў Брэсцкім раёне Брэсцкай вобласці. Уваходзіць у склад Матыкальскага сельсавета. Размешчаны за 27 кіламетраў па паўночны захад ад Брэста, 6 кіламетраў ад чыгуначнай станцыі Лышчыцы.

Гісторыя правіць

Паводле пісьмовых крыніц вядомы з 16 стагоддзя як дзяржаўная ўласнасць у Берасцейскім старостве Троцкага ваяводства ВКЛ. У 1565 годзе кароль Жыгімонт II Аўгуст падараваў Сычы ў пажыццёвае валоданне С.Траяноўскаму. Паводле рэвізіі 1566 года сяло — цэнтр войтаўства, 48 валок зямлі, царква Святога Духа.

Пасля 3-га падзелу Рэчы Паспалітай (1795) у складзе Расійскай імперыі, у Слонімскай, з 1797 года — у Літоўскай, з 1801 года — у Гродзенскай губерні. У пачатку 19 стагоддзя цэнтр маёнтка, які належаў І.Высоцкаму. У 1822 годзе ён пабудаваў мураваную царкву Святой Параскевы. У 1863 годзе адкрываецца народнае вучылішча. У 1897 годзе працаваў хлебазапасны магазін і народнае вучылішча, у Лышчыцкай воласці Брэсцкага павета.

Сядзібны дом у 1916 годзе

У 1905 годзе ў сяле — 245, у маёнтку — 74 жыхары. У 1906 годзе адбылося выступленне сялян. Яны спалілі гумно са збожжам і хлеў папа, які актыўна падтрымліваў царскую ўладу. Паводле Рыжскага мірнага дагавора ў складзе Польшчы, у Лышчыцкай гміне Брэсцкага павета Палескага ваяводства.

З 1939 года ў складзе БССР. З 12 кастрычніка 1940 года цэнтр Сычэўскага сельсавета. У Вялікую Айчынную вайну нацысты загубілі 5 жыхароў, 22 вяскоўцы загінулі на фронце.

У 1950 годзе арганізаваны калгас. З 16 ліпеня 1954 года ў Лышчыцкім сельсавеце.

Насельніцтва правіць

47 двароў, 411 жыхароў (1886)
65 двароў, 475 жыхароў (1897)
54 двары, 217 жыхароў (1905)
100 двароў, 498 жыхароў (1921)
45 гаспадарак, 74 жыхары (1997)
35 гаспадарак, 57 жыхароў (2005)

Інфраструктура правіць

Сельская бібліятэка
Аддзяленне сувязі
Фельчарска-акушэрскі пункт

Памятныя мясціны правіць

Рэшткі падмурка сядзібы Талочкаў

Царква Святой Параскевы Пятніцы 1881 года пабудовы^[3]. Занесена ў Дзяржаўны спіс гісторыка-культурных каштоўнасцей Рэспублікі Беларусь як аб’ект гісторыка-культурнай спадчыны рэгіянальнага значэння — Гісторыка-культурная каштоўнасць Беларусі, шыфр 113Г000115шыфр 113Г000115
На ўскраіне вёскі ў пейзажным парку (захаваўся часткова) сядзібны дом Талочкаў, пабудаваны з дрэва (19-20 ст.)^[4].

Зноскі

↑ Сычи Фото Планета (руск.)
↑ Назвы населеных пунктаў Рэспублікі Беларусь: Брэсцкая вобласць: нарматыўны даведнік / І. А. Гапоненка і інш.; пад рэд. В. П. Лемцюговай. — Мн.: Тэхналогія, 2010.— 318 с. ISBN 978-985-458-198-9. (DJVU)
↑ Сычы (Брэсцкі раён) на сайце Radzima.org
↑ Сычы (Брэсцкі раён) на сайце Radzima.org

Літаратура правіць

Гарады і вёскі Беларусі: Энцыклапедыя ў 15 тамах. Т. 3, кн. 1. Брэсцкая вобласць / пад навук. рэд. А. І. Лакоткі. — Мн.: БелЭн, 2006. ISBN 985-11-0373-X.
Валянціна Віталёва. Сычы́ // Энцыклапедыя гісторыі Беларусі. У 6 т. Т. 6. Кн. 1: Пузыны — Усая / Рэдкал.: Г. П. Пашкоў (галоўны рэд.) і інш.; Маст. Э. Э. Жакевіч. — Мн. : БелЭн, 2001. — С. 459—460. — 10 000 экз. — ISBN 985-11-0214-8.

Спасылкі правіць

На Вікісховішчы ёсць медыяфайлы па тэме Сычы (Брэсцкі раён)
Сычы на сайце radzima.org
Сычы (Брэсцкі раён) на сайце Глобус Беларусі (руск.)

[1] Сычи Фото Планета (руск.)

[2] Назвы населеных пунктаў Рэспублікі Беларусь: Брэсцкая вобласць: нарматыўны даведнік / І. А. Гапоненка і інш.; пад рэд. В. П. Лемцюговай. — Мн.: Тэхналогія, 2010.— 318 с. ISBN 978-985-458-198-9. (DJVU)

[3] Сычы (Брэсцкі раён) на сайце Radzima.org

[4] Сычы (Брэсцкі раён) на сайце Radzima.org

[2]

[1]

[3]

[4]