Торфабрыкетны завод «Сяргеевіцкае»
Торфабрыкетны завод «Сярге́евіцкае» — торфаперапрацоўчае прадпрыемства (філіял УП «Мігаз») у гарадскім пасёлку Праўдзінскі Пухавіцкага раёна Мінскай вобласці Беларусі.
| Філіял «Торфабрыкетны завод «Сяргеевіцкае» УП «Мінгаз» | |
|---|---|
| Тып | унітарнае прадпрыемства |
| Заснаванне | 1966 |
| Краіна | |
| Размяшчэнне | |
| Адрас | |
| Ключавыя постаці | Аляксей Аляксандравіч Малочка (дырэктар) |
| Галіна | тарфяная прамысловасць[d] і Паліўна-энергетычны комплекс Беларусі |
| Прадукцыя | паліўныя брыкеты[d], торф і цеплыня[d] |
| Матчына кампанія | УП «МІНГАЗ» |
| Сайт | mingas.by/company… (руск.) |
Гісторыя
правіцьЗавод пабудаваны ў 1966—1968 гадах[1]. Рашэнне аб стварэнні прадпрыемства «Сяргеевіцкае» было прынята ў канцы 1963 года[2]. Будаўніцтва першай чаргі пачыналася ў 1965 годзе[2]. У 1966 годзе пачалося будаўніцтва пасёлка і падрыхтоўка тарфяных пакладаў да здабычы, будаўніцтва брыкетнага завода, станцыі перагрузкі торфу пад Рудзенскам, пад’язных чыгуначных шляхоў, жылых дамоў і аб’ектаў сацкультбыту. Сыравіннай базай прадпрыемства сталі тарфяныя масівы Арэхаўскі Мох, Рады-Галышаўка, Гала-Кавалеўскае, а здабыты торф паступаў у якасці паліва на Жодзінскую і Светлагорскую цеплавыя электрастанцыі[2]. У 1968 годзе пачалася вытворчасць паліўных брыкетаў. У 1979—1981 гадах была праведзена рэканструкцыя брыкетнага цэха. У 1985 годзе торфапрадпрыемства «Сяргеевіцкае» перайменавана ў Вытворчае торфабрыкетнае аб’яднанне «Сяргеевіцкае»[2]. У 1986 годзе ў склад прадпрыемства ўвайшоў участак «16 Чырвоных партызан»[2]. У 2015 годзе прадпрыемства было рэарганізавана шляхам далучэння да вытворчага Рэспубліканскага ўнітарнага прадпрыемства «МІНГАЗ». Па стане на 1 студзеня 2022 года за філіялам «Торфабрыкетны завод «Сяргеевіцкае» лічацца 888 гектараў зямель, з якіх: 371,7 гектараў дзеючых плошчаў для здабычы торфу і 154,8 гектараў рэзервовых плошчаў у стадыі будаўніцтва[2].
Напрамкі дзейнасці
правіць- Вытворчасць і пастаўка паліўных брыкетаў БТ-1 і БТ-2
- Вытворчасць торфу для кампостаў
- Вытворчасць цеплавой энергіі
- Аказанне паслуг па пагрузцы і дастаўцы сваёй прадукцыі аўтамабільным транспартам
Зноскі
правіць- ↑ БелЭн 2002.
- ↑ а б в г д е Международный промышленный журнал «Знак качества» (руск.)
Літаратура
правіць- «Сярге́евіцкае» // Беларуская энцыклапедыя: У 18 т. Т. 15: Следавікі — Трыо / Рэдкал.: Г. П. Пашкоў і інш. — Мн. : БелЭн, 2002. — Т. 15. — С. 353. — 10 000 экз. — ISBN 985-11-0035-8. — ISBN 985-11-0251-2 (т. 15).
Спасылкі
правіць- Филиал "Торфобрикетный завод «Сергеевичское» (руск.) // Сайт УП «МІНГАЗ»
- Александр Барановский Репортаж из Правдинского — поселка белорусских торфяников // EnergoBelarus.by (руск.)
- Филиал МТБЗ «Сергеевичское» УП «МИНГАЗ»: энергоэффективное, конкурентноспосбное, высокотехнологичное предприятие // Международный промышленный журнал «Знак качества» (руск.)
- Андрей Мазанник О реальном положении дел на ТБЗ «Сергеевичское» (руск.) // Масава-палітычная газета «Пухавіцкія навіны»