Тамара Сяргееўна Пячынская

Тамара Сяргееўна Пячы́нская (нар. 6 жніўня 1949, р.п. Руская Паляна, Омская вобласць, РСФСР, СССР) — беларуская спявачка (мецца-сапрана). Заслужаная артыстка Беларусі (1990).

Тамара Сяргееўна Пячынская
Дата нараджэння	6 жніўня 1949(1949-08-06) (74 гады)
Месца нараджэння	Руская Паляна, Руска-Палянскае гарадское пасяленне[d], Руска-Палянскі раён[d], Омская вобласць, РСФСР, СССР
Краіна	СССР  Беларусь
Альма-матар	Уральская кансерваторыя імя М. П. Мусаргскага
Месца працы	Нацыянальны акадэмічны Вялікі тэатр оперы і балета Рэспублікі Беларусь Нацыянальная дзяржаўная тэлерадыёкампанія Рэспублікі Беларусь Беларуская дзяржаўная кансерваторыя імя А. В. Луначарскага
Музычная дзейнасць
Прафесіі	спявачка
Пеўчы голас	мецца-сапрана
Узнагароды

Біяграфія

Скончыла ў 1973 годзе Уральскую кансерваторыю ў Свярдлоўску. У 1976—1978 гадах у Дзяржаўным тэатры оперы і балета Беларусі. З 1980 года салістка Беларускага тэлебачання і радыё, адначасова з 1991 года выкладае ў Беларускай акадэміі музыкі.

Творчасць

Валодае прыгожым аксамітным голасам шырокага дыяпазону. Сярод партый: Амнерыс («Аіда» Дж. Вердзі), Любаша («Царская нявеста» М. Рымскага-Корсакава), Любка («Сівая легенда» Дз. Смольскага). Першая выканальніца вакальных цыклаў беларускіх кампазітараў Дз. Смольскага, Я. Глебава, В. Іванова, В. Сярых, А. Хадоскі, А. Клеванца.

Літаратура

• Пячынская Тамара Сяргееўна // Беларуская энцыклапедыя: У 18 т. Т. 13: Праміле — Рэлаксін / Рэдкал.: Г. П. Пашкоў і інш. — Мн. : БелЭн, 2001. — Т. 13. — 576 с. — 10 000 экз. — ISBN 985-11-0035-8. — ISBN 985-11-0216-4 (т. 13).