Уладзімір Нічыпаравіч Малін

Уладзі́мір Нічы́паравіч Ма́лін (11 (24) ліпеня 1906, п. Яконава Цвярской губерні, Расійская імперыя — 30 студзеня 1982, г. Масква) — савецкі партыйны дзеяч. Член партыі з 1926 года, член Цэнтральнай рэвізійнай камісіі КПСС (1956—1966). Сакратар ЦК КПБ. Дэпутат Вярхоўнага Савета СССР.

Уладзімір Нічыпаравіч Малін
руск.: Владимир Никифорович Малин
Сакратар па прамысловасці Цэнтральнага камітэта КП Беларусі 7 сакавіка 1947 — 1 снежня 1947
Папярэднік	пасада адноўлена
Пераемнік	Іван Тур
Трэці сакратар Цэнтральнага камітэта КП Беларусі 26 жніўня 1943 — 7 сакавіка 1947
Папярэднік	Уладзімір Ванееў
Пераемнік	пасада скасаваная
Сакратар па прамысловасці Цэнтральнага камітэта КП Беларусі 26 сакавіка 1941 — 26 жніўня 1943
Папярэднік	пасада ўтвораная
Пераемнік	пасада скасаваная
Сакратар па прапагандзе і агітацыі Цэнтральнага камітэта КП Беларусі 6 чэрвеня 1939 — 26 сакавіка 1941
Папярэднік	пасада ўтвораная
Пераемнік	Цімафей Гарбуноў
Першы сакратар Магілёўскага абласнога камітэта КП Беларусі кастрычнік 1938 — чэрвень 1939
Папярэднік	Марк Рэпінскі
Пераемнік	Іван Макараў
Нараджэнне	11 (24) ліпеня 1906(1906-07-24) Яканава[d], Яконаўскае сельскае пасяленне[d], Таржоцкі раён, СССР
Смерць	30 студзеня 1982(1982-01-30) (75 гадоў) Масква, РСФСР, СССР
Партыя	УКП(б) (з 1926)
Адукацыя	Паўночна-Заходні інстытут кіравання[d]
Дзейнасць	палітык
Узнагароды

Біяграфія

Скончыў Ленінградскі камуністычны універсітэт(1933), пасля на партрабоце.

У 1938—1939 гадах першы сакратар Магілёўскага абкама КП(б) Беларусі.

У 1939—1947 гадах сакратар ЦК КП(б) Беларусі, адначасова ў 1942—1944 гадах начальнік Палітупраўлення Цэнтральнага штаба партызанскага руху і намеснік яго начальніка. Старшыня Рэспубліканскага камітэта дапамогі па абслугоўванню хворых і параненых байцоў і камандзіраў. З жніўня 1943 па 1947 год 3-і сакратар ЦК КП(б) Беларусі.

У 1947—1949 гадах слухач курсаў перападрыхтоўкі пры ЦК УКП(б).

У 1949—1952 гадах сакратар Ленінградскага гаркама УКП(б).

У 1952—1954 гадах інспектар ЦК КПСС. Па некаторых дадзеных, пасля арышту А. М. Паскробышава выконваў яго абавязкі пры Сталіне.

У 1954—1965 гадах — загадчык агульным аддзелам ЦК КПСС.

У 1965—1970 гадах рэктар Акадэміі грамадскіх навук пры ЦК КПСС.

З 1970 года на пенсіі.

Яго сын Б. У. Малін працаваў у НДІ-35.

Спасылкі

• Артыкул на сайце «Хронаса»
• Малин Владимир Никифорович (нявызн.). Справочник по истории Коммунистической партии и Советского Союза 1898—1991. Праверана 7 кастрычніка 2016.
• Гістарычная даведка на сайце альманаха «Расія. XX стагоддзе»