Уладзімір Нічыпаравіч Семянькоў

Уладзімір Нічыпаравіч Семянько́ў (20 сакавіка 1923 — 26 сакавіка 2007) — вучоны, філосаф і сацыёлаг, кандыдат гістарычных навук (1953), доктар філасофскіх навук (1981), прафесар (1982).

Уладзімір Нічыпаравіч Семянькоў
Дата нараджэння	20 сакавіка 1923(1923-03-20)
Месца нараджэння	Стражавічы, Чарэйская воласць[d], Сенненскі павет, Расійская імперыя
Дата смерці	26 сакавіка 2007(2007-03-26) (84 гады)
Грамадзянства	СССР  Беларусь
Род дзейнасці	навуковец
Навуковая сфера	філасофія і сацыялогія
Месца працы	БНТУ Рэспубліканскі інстытут вышэйшай школы
Навуковая ступень	кандыдат гістарычных навук (1953) і доктар філасофскіх навук (1981)
Навуковае званне	прафесар
Альма-матар	Мінская вышэйшая партыйная школа БДУ
Узнагароды

Біяграфія

Нарадзіўся ў вёсцы Стражавічы (Чашніцкі раён Віцебскай вобласці Беларусі). У час Вялікай Айчыннай вайны ў партызанах, камісар партызанскага атрада імя Багдана Хмяльніцкага Сенненскай партызанскай брыгады, капітан. У 1946 годзе скончыў Рэспубліканскую партыйную школу пры ЦК КПБ, у 1949 годзе — Беларускі дзяржаўны ўніверсітэт. З 1949 года працаваў у Беларускім політэхнічным інстытуце на кафедры навуковага камунізму, пасаду загадчыка якой займаў у 1980—1986 гадах. У 1986—1998 гадах — у Інстытуце павышэння кваліфікацыі выкладчыкаў грамадскіх навук пры Беларускім дзяржаўным універсітэце.

Навуковая дзейнасць

Навуковая дзейнасць У. Н. Семянькова па праблемах грамадскага выхавання і фарміравання асобы, суадносін матэрыяльных, ідэалагічных і духоўных фактараў у працэсе выхавання, станаўлення і дзейнасці вытворчых калектываў. Распрацаваў новыя падыходы да комплекснага вывучэння грамадскага выхавання як сінтэзу грамадскіх адносін і дзейнасці людзей.

Сярод апублікаваных прац:

• Производственный коллектив: труд, среда и воспитание. — Мн., 1975;
• Комплексный характар воспитания. — Мн., 1979;
• Совершенствование социализма и общественное воспитание: вопросы методологии и практики. — Мн.: Беларусь, 1986;
• Формирование нового человека. — Мн.: Беларусь, 1982. — 94 с. — (ХХVI съезд КПСС: новая веха на пути к коммунизму);

Узнагароды

• Ордэн Чырвонага Сцяга
• Ордэн Айчыннай вайны I ступені
• Медаль «Партызану Айчыннай вайны» I ступені
• Медаль «За перамогу над Германіяй у Вялікай Айчыннай вайне 1941—1945 гг.»

Літаратура

• Семянькоў Уладзімір Нічыпаравіч // Беларуская энцыклапедыя: У 18 т. Т. 14: Рэле — Слаявіна / Рэдкал.: Г. П. Пашкоў і інш. — Мн. : БелЭн, 2002. — Т. 14. — С. 323. — 10 000 экз. — ISBN 985-11-0035-8. — ISBN 985-11-0238-5 (т. 14).

Спасылкі

• Семянькоў Уладзімір Нічыпаравіч на сайце анлайн-энцыклапедыі «Беларусь у асобах і падзеях»
• Вучоныя Беларусі: Семянькоў, Уладзімір Нічыпаравіч (доктар філасофскіх навук; кандыдат гістарычных навук ; 1923—2007)
• Семеньков Владимир Никифорович (руск.) // Праект «Партизаны Беларуси»
• Память народа — электронный банк документов периода Великой Отечественной войны Архівавана 28 кастрычніка 2021. (руск.)
• Музейный комплекс «Дорога памяти» Архівавана 2 лістапада 2021. (руск.)