Уладзімір Піліпавіч Горын-Галкін

Уладзімір Піліпавіч Горын-Галкін (сапр. Галкін; 22 студзеня 1861, Магілёў — 22 ліпеня 1925) — удзельнік рэвалюцыйнага руху, філосаф, гісторык і публіцыст. Член КПСС з 1895 года.

Уладзімір Піліпавіч Горын-Галкін
Род дзейнасці	рэвалюцыянер, публіцыст, выкладчык, філосаф, гісторык
Дата нараджэння	22 студзеня 1861(1861-01-22)
Месца нараджэння	Магілёў, Магілёўская губерня, Расійская імперыя
Дата смерці	22 ліпеня 1925(1925-07-22) (64 гады)
Месца смерці	Масква, Маскоўская губерня, РСФСР, СССР
Грамадзянства	СССР
Альма-матар	Харкаўскі ветэрынарны інстытут (1882)
Член у	Сібірскі саюз РСДРП[d]

Біяграфія

За ўдзел у студэнцкіх хваляваннях у 1882 адлічаны з Харкаўскага ветэрынарнага інстытута. Ствараў нарадавольчыя гурткі ў Сімферопалі, Адэсе. У 1887 годзе за ўдзел у Паўднёвай Нарадавольчай арганізацыі арыштаваны і сасланы на 10 гадоў у Верхаянск.

Удзельнік стварэння Сібірскага сацыял-дэмакратычнага саюза (1901), член Саратаўскага камітэта РСДРП (1902-03), працаваў у сацыял-дэмакратычных арганізацыях Растова-на-Доне, Баку, Тыфліса, Кутаісі. Супрацоўнічаў у газеце «Іскра».

Дэлегат II з'езда РСДРП, бальшавік. Падтрымліваў У. І. Леніна ў барацьбе супраць ліквідатараў і адзавістаў. Са жніўня 1917 года ў Петраградскім камітэце РСДРП(б). У складзе ВРК удзельнічаў у падрыхтоўцы Кастрычніцкага ўзброенага паўстання. Пасля Кастрычніцкай рэвалюцыі адзін з арганізатараў Наркамата замежных спраў у Маскве. З 1918 года на кіруючай ваенна-палітычнай працы ў Чырвонай Арміі, пасля 1920 года на навукова-педагагічнай працы ў Маскве.

Аўтар кнігі па марксісцкай філасофіі, апублікаванай пад псеўданімам «Н. Грабовский».