Уладзімір Сяргеевіч Рубанаў

Уладзімір Сяргеевіч Руба́наў (5 верасня 1938 — 5 снежня 1990) — вучоны-фізік, доктар фізіка-матэматычных навук (1976).

Уладзімір Сяргеевіч Рубанаў
Дата нараджэння	5 верасня 1938(1938-09-05)
Месца нараджэння	Слуцк, Слуцкі раён, Менская вобласць, БССР, СССР
Дата смерці	5 снежня 1990(1990-12-05) (52 гады)
Грамадзянства	СССР
Бацька	Сяргей Фёдаравіч Рубанаў
Род дзейнасці	навуковец
Навуковая сфера	фізік
Месца працы	Інстытут фізікі імя Б. І. Сцяпанава НАН Беларусі
Навуковая ступень	доктар фізіка-матэматычных навук (1976)
Альма-матар	БДУ

Біяграфія

Нарадзіўся ў Слуцку ў сям’і С. Ф. Рубанава. У 1960 годзе скончыў Беларускі дзяржаўны ўніверсітэт. З 1961 года працаваў у Інстытуце фізікі Акадэміі навук БССР.

Навуковая дзейнасць

Аўтар навуковых прац па оптыцы і лазернай фізіцы. Прапанаваў і даследаваў некалькі новых тыпаў лазерных гіраскопаў і акселерометраў. Прадказаў і ўпершыню даказаў (разам з Л. М. Арловым) існаванне з’явы палярызацыйнай і палярызацыйна-частотнай неўзаемнасці. Займаўся даследаваннем уплыву палярызацыі святла на асаблівасці ўзнікнення жывой матэрыі ў Сусвеце.

Сярод апублікаванага:

• Расчет поляризационных характеристик квантовых генераторов // Журнал прикладной спектроскопии. 1969. Т. 10, вып. 5.
• Способы создания поляризационно-частотной независимости в кольцевых ОКГ. — Мн., 1971 (разам з Л. М. Арловым).

Літаратура

• Рубанаў Уладзімір Сяргеевіч // Беларуская энцыклапедыя: У 18 т. Т. 13: Праміле — Рэлаксін / Рэдкал.: Г. П. Пашкоў і інш. — Мн. : БелЭн, 2001. — Т. 13. — С. 418. — 10 000 экз. — ISBN 985-11-0035-8. — ISBN 985-11-0216-4 (т. 13).

Спасылкі

• Вучоныя, ураджэнцы Случчыны // Наследие слуцкого края
• Рубанаў Уладзімір Сяргеевіч на сайце анлайн-энцыклапедыі «Беларусь у асобах і падзеях»