Усвея (возера)
Усве́я — возера ва Ушацкім раёне Віцебскай вобласці Беларусі, у басейне ракі Заходняя Дзвіна, за 28 км на паўночны ўсход ад гарадскога пасёлка Ушачы, каля вёскі Усвея.
Усвея | |
---|---|
Морфаметрыя | |
Вышыня над узроўнем мора | 118,3 м |
Даўжыня | 3,38 км |
Шырыня | 0,96 км |
Плошча | 2,39 км² |
Аб’ём | 0,00236 км³ |
Даўжыня берагавой лініі | 8,2 км |
Найбольшая глыбіня | 1,9 м |
Сярэдняя глыбіня | 1 м |
Гідралогія | |
Тып мінералізацыі | прэснае |
Салёнасць | да 0,24 ‰ |
Празрыстасць | 0,2 м |
Басейн | |
Плошча вадазбору | 32,3 км² |
Упадаюць | ручаі |
Выцякаюць | пратока |
Размяшчэнне | |
Краіна | Беларусь |
Рэгіён | Віцебская вобласць |
|
|
|
|
|
|
Плошча паверхні 2,39 км². Даўжыня 3,38 км, найбольшая шырыня 0,96 км. Даўжыня берагавой лініі 8,2 км. Найбольшая глыбіня 1,9 м. Аб’ём вады 2,36 млн м³. Плошча вадазбору 32,3 км².
Катлавіна возера рэшткавага тыпу, значна выцягнутая з паўночнага ўсходу на паўднёвы захад. Схілы катлавіны вышынёй 11—18 м, да возера абрываюцца ўступам вышынёй 4—6 м. Берагі нізкія, забалочаныя, на ўсходзе месцамі пясчаныя, на захадзе тарфяністыя. Дно плоскае, пераважна выслана крэменязёмістым сапрапелем, уздоўж усходніх і месцамі заходніх берагоў вузкая паласа апясчаненых адкладаў. Пойма шырынёй да 20 метраў.
Возера эўтрофнае з адзнакамі антрапагеннага дыстрафіравання[1]. Зарастае да глыбіні 0,9 м. Шырыня палосы прыбярэжнай расліннасці дасягае 320 метраў. Возера праточнае. Упадаюць 2 ручаі, пратокай злучана з Заходняй Дзвіной.
У возеры водзяцца шчупак, акунь, лінь, карась і іншыя віды рыб.
Каля возера вёскі Двор Усвея, Усвея, Ляхава, Загаваліна.
Зноскі
- ↑ Энцыклапедыя прыроды Беларусі. У 5-і т. Т. 5. Стаўраструм — Яшчур / Рэдкал. І. П. Шамякін (гал. рэд.) і інш. — Мн.: БелСЭ імя Петруся Броўкі, 1986. — 583 с., іл. — 10 000 экз.
Літаратура
правіць- Міронаў В. Р. Усвея // Энцыклапедыя прыроды Беларусі. У 5-і т. Т. 5. Стаўраструм — Яшчур / Рэдкал. І. П. Шамякін (гал. рэд.) і інш. — Мн.: БелСЭ імя Петруся Броўкі, 1986. — 583 с., іл. — 10 000 экз. — С. 170—171.
- Беларуская энцыклапедыя: У 18 т. Т. 16: Трыпалі — Хвіліна / Рэдкал.: Г. П. Пашкоў і інш. — Мн. : БелЭн, 2003. — Т. 16. — 576 с. — 10 000 экз. — ISBN 985-11-0035-8. — ISBN 985-11-0263-6 (т. 16). — С. 26.
- Республика Беларусь. Атлас охотника и рыболова: Витебская область / Редактор Г. Г. Науменко. — Мн.: РУП «Белкартография», 2010. — С. 21, 58. — 72 с. — 10 000 экз. — ISBN 978-985-508-136-5. (руск.)
- Беларусь. Ушачско-Лепельский озёрный край: карта для рыбака / Ред. С. Н. Саратова. — Мн.: Белкартография, 2009. — 3 000 экз. (руск.)