Юзаф Юдзіцкі

Юзаф Юдзіцкі (1719 — 1797) — дзяржаўны і ваенны дзеяч Вялікага Княства Літоўскага.

Юзаф Юдзіцкі
Józef Judycki
Герб уласны «Радван зменены»
Вялікі стражнік літоўскі 1776 — 1789
Папярэднік	Антоні Гелгуд
Пераемнік	Ігнацы Гелгуд
Нараджэнне	1719(1719)
Смерць	1797(1797)
Род	Юдзіцкія
Бацька	Міхал Юдзіцкі
Жонка	Марыя Агінская Алаіза Радзівіл
Дзеці	Ян, Станіслаў, Юзаф
Грамадзянства	Вялікае Княства Літоўскае  Рэч Паспалітая
Дзейнасць	афіцэр
Званне	генерал
Узнагароды

Біяграфія

Маршалак рэчыцкі з 1767, староста рэчыцкі з 1773, вялікі абозны літоўскі з 1774, вялікі стражнік літоўскі ў 1776—1789; у 1777 маршалак Трыбуналу ВКЛ. Быў таксама старостам стралкоўскім і багінскім. Шмат разоў выбіраўся паслом на соймы.

З 1783 генерал-лейтэнант, камандзір 1-й дывізіі войска ВКЛ, потым шэф 4-га палка булавы польнай. 1 чэрвеня 1792 прызначаны галоўнакамандуючым войскам ВКЛ падчас вайны з Расіяй, але 10 чэрвеня 1792 разбіты расійскімі войскамі пад Мірам і праз тыдзень заменены на пасадзе галоўнакамандуючага Міхалам Забелам. У 1793 служыў у расійскім войску. У 1797 у складзе дэлегацыі Мінскай губерні прысутнічаў на каранацыі Паўла I.

Кавалер ордэна Святога Станіслава (1777)

Сям'я

З роду Юдзіцкіх герба ўласнага «Радван зменены», сын Міхала. Быў двойчы жанаты: спачатку з Марыяй, дачкой Марцыяна Міхала Агінскага, а потым з Алаізай, дачкой Альбрэхта Радзівіла. Дзякуючы другому шлюбу атрымаў ад цесця Рэчыцкае староства. Меў сыноў Яна, Станіслава і Юзафа.

Літаратура

• Красноў М. Юдзіцкія // Вялікае княства Літоўскае: Энцыклапедыя. У 3 т. / Рэдкал.: Г. П. Пашкоў (гал. рэд.) і інш.; маст. З. Э. Герасімовіч. — Мн.: Беларуская Энцыклапедыя, 2005. — Т. 2: Кадэцкі корпус — Яцкевіч. — С. 770. — 792 с. — ISBN 985-11-0378-0 (т. 2), ISBN 985-11-0315-2.
• Гужалоўскі А. Войска ВКЛ: апошнія старонкі гісторыі // Беларускі гістарычны часопіс № 1-1994. — С. 48-52.