Ягадная (Баранавіцкі раён)

Я́гадная^[1] (трансліт.: Jahadnaja, руск.: Ягодная) (да 1964 года Бло́шна) — вёска ў Баранавіцкім раёне Брэсцкай вобласці. Уваходзіць у склад Палонкаўскага сельсавета. Размешчана за 20 км на захад ад Баранавіч, за 16 км ад чыгуначнай станцыі Палонка на лініі Баранавічы—Ваўкавыск.

Гісторыя правіць

У 1798 годзе ў пісьмовых крыніцах упамінаецца як в. Блошна. На пачатку XX ст. ў Люшнеўскай воласці Слонімскага павета Гродзенскай губерні.

У Вялікую Айчынную вайну з канца чэрвеня 1941 года да ліпеня 1944 года акупіравана нямецка-фашысцкімі захопнікамі. На франтах вайны загінулі 2 вяскоўцы.

30 ліпеня 1964 года вёска Блошна атрымала назву Ягадная^[2].

XX стагоддзе:
- пачатак XX ст. — 270 жыхароў.
- 1921 — 42 дамы, 258 жыхароў.
- 1959 — 371 жыхар.
- 1970 — 369 жыхароў.
- 1998 — 93 двары, 159 жыхароў.
XXI стагоддзе:
- 2005 — 119 жыхароў, 71 гаспадарка.

↑ Назвы населеных пунктаў Рэспублікі Беларусь: Брэсцкая вобласць: нарматыўны даведнік / І. А. Гапоненка і інш.; пад рэд. В. П. Лемцюговай. — Мн.: Тэхналогія, 2010.— 318 с. ISBN 978-985-458-198-9. (DJVU)
↑ Указ Прэзідыума Вярхоўнага Савета Беларускай ССР Аб перайменаванні некаторых населеных пунктаў Беларускай ССР ад 30 ліпеня 1964 г. // Збор законаў, указаў Прэзідыума Вярхоўнага Савета Беларускай ССР, пастаноў і распараджэнняў Савета Міністраў Беларускай ССР. — 1964, № 23 (1063).

Гарады і вёскі Беларусі: Энцыклапедыя. Т. 3, кн. 1. Брэсцкая вобласць / рэдкал.: Г. П. Пашкоў (дырэктар) і інш. — Мн.: Беларуская Энцыклапедыя імя Петруся Броўкі, 2006. — 528 с.: іл. — 4 000 экз. — ISBN 985-11-0373-X.