Сінегаловік палявы
Сінегаловік палявы (Eryngium campestre) — шматгадовая травяністая расліна сямейства Парасонавыя, від роду сінегаловік (Eryngium).
| Сінегаловік палявы | |||||||||||||||||||
 | |||||||||||||||||||
| Навуковая класіфікацыя | |||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|
|
прамежныя рангі
| |||||||||||||||||||
| Міжнародная навуковая назва | |||||||||||||||||||
|
Eryngium campestre L., 1753 | |||||||||||||||||||
| |||||||||||||||||||
Еўрапейская стэпавая расліна з шызым калючым лісцем і белымі або блакітнаватымі кветкамі, сабранымі ў галоўчатыя парасоны.
Батанічнае апісанне правіць
Шматгадовая травяністая расліна з адзіночным прамым сцяблом 30-60 см вышынёй, да 1 см таўшчынёй, у сярэдняй і верхняй частках моцна галінаваным. Пры адміранні ўтварае форму перакаці-поле.
Прыкаранёвае лісце чарашковае, у абрысе трохкутна-яйцападобнае, 10-30 см даўжынёй і 10-18 см шырынёй, трайчастае на двойчы пёрыстараздзельныя сегменты, жорсткае, скурыстае, па краях з калючымі зубцамі. Сцябловае лісце менш рассечанае, верхняе — трохраздзельнае, па краях калючазубчастае. Хвосцікі сцябловага лісця паўсцяблоабдымальныя.
Парасонікі галоўчатыя, яцкападобнай або шарападобнай формы, 7-15 мм у дыяметры, сабраны ў шчыткападобнае агульнае суквецце. Абгортка з 5-7 лісточкаў, прамых, на канцы і па краявых зубцах калючых, да 4 см даўжынёй. Прыкветкі завостраныя, да 1 см даўжынёй. Чашачка з добра прыкметнымі калючымі зубцамі, якія перавышаюць па даўжыні пялёсткі. Вяночак блакітнаваты, радзей белы, пялёсткі голыя.
Плады — сямянкі чырвона-карычневага колеру, верацёнападобныя, трохі выгнутыя, 3-6 мм даўжынёй, з тонкімі зморшчынамі і двухрадковым крэмавым чубком 5-6 мм даўжынёй.
Дыплоідны набор храмасом — 2n = 14, 28.
Распаўсюджанне правіць
Пераважна еўрапейская расліна, распаўсюджаная па ўсёй Еўропе, на Каўказе, у Малой Азіі, у Паўночнай Афрыцы. У Расіі — на Паўночным Каўказе і на поўдні еўрапейскай часткі, далей на поўнач заходзіць вельмі рэдка.
Уключана ў Чырвоную кнігу Рэспублікі Татарстан (1995).
Таксанамія правіць
Сінонімы правіць
- Eryngium latifolium Hoffmanns. & Link, 1824
- Eryngium officinale Garsault, 1764, nom. inval.
- Eryngium trifidum L., 1756
- Eryngium virens Link, 1834
- Eryngium vulgare Lam., 1779, nom. superfl.
Зноскі
- ↑ Ужываецца таксама назва Пакрытанасенныя.
- ↑ Пра ўмоўнасць аднясення апісанай у гэтым артыкуле групы раслін да класа двухдольных гл. артыкул «Двухдольныя».
Літаратура правіць
- Пименов, М. Г., Остроумова, Т. А. Род 4. Eryngium L. — Синеголовник // Зонтичные (Umbelliferae) России. — М., 2012. — С. 45. — 477 с. — ISBN 978-5-87317-813-1.