Кандык сібірскі

від раслін
(Пасля перасылкі з Erythronium sibiricum)

Канды́к сібірскі[3] (Erythronium sibiricum) — від кветкавых раслін роду Кандык (Erythronium) сямейства Лілейныя (Liliaceae).

Кандык сібірскі
Навуковая класіфікацыя
Міжнародная навуковая назва

Erythronium sibiricum (Fisch. & C.A.Mey.) Krylov, 1929

Сінонімы
  • Erythronium dens-canis var. parviflorum Regel
  • Erythronium dens-canis var. sibiricum Fisch. & C.A.Mey
  • Erythronium sibiricum subsp. altaicum Rukšāns
  • Erythronium sibiricum subsp. sulevii Rukšāns

Сістэматыка
на Віківідах

Выявы
на Вікісховішчы
NCBI  202155
EOL  1088115
GRIN  t:478270
IPNI  534964-1
TPL  kew-305811

Батанічнае апісанне правіць

Шматгадовая травяністая цыбульная расліна. Сцябло прамое, вышынёй да 35 см[3]. Лістоў 2. Яны супраціўныя, прыкаранёвыя, даўжынёй да 15 см, простыя, суцэльныя, на кароткіх чаранках, з гладкім краем, завостранай верхавінкай. Колер лістоў зялёны з чырванавата-карычневымі плямамі. Кветкі адзіночныя, лілова-ружовыя, часам белыя. Плод — каробачка.

Распаўсюджанне і экалогія правіць

Эфемероід горных раёнаў Еўразіі. Распаўсюджаны ў паўднёвай Сібіры, у горных раёнах Манголіі, Кітая і Сярэдняй Азіі. Святлолюбівая расліна, мезафіт і мезатроф[4]. Расце на горных і тундравых лугах, у горнай тундры і хмызняках, на узлесках. Цвіце ў красавіку — пачатку мая. Размнажаецца насеннем і вегетатыўна.

Від занесены ў Чырвоную кнігу Расіі, ахоўваецца на тэрыторыі шэрагу рэгіёнаў[4].

Гаспадарчае значэнне правіць

Дэкаратыўная і лекавая расліна. Ранні меданос. Мясцовае насельніцтва выкарыстоўвае цыбуліны ў ежу. Таксама яны з’яўляюцца кормам для дзікай жывёлы.

Зноскі

  1. Ужываецца таксама назва Пакрытанасенныя.
  2. Пра ўмоўнасць аднясення апісванай у гэтым артыкуле групы раслін да класа аднадольных гл. раздзел «Сістэмы APG» артыкула «Аднадольныя».
  3. а б Энцыклапедыя прыроды Беларусі. У 5-і т. Т. 2. Гатня — Катынь / Рэдкал. І. П. Шамякін (гал. рэд.) і інш. — Мн.: БелСЭ імя Петруся Броўкі, 1983. — 522 с. — 10 000 экз.
  4. а б Кандык сибирский: інфармацыя пра таксон у праекце «Плантариум» (вызначальнік раслін і ілюстраваны атлас відаў). (руск.)

Літаратура правіць

Спасылкі правіць