Даўжыня 3—9 мм. Ногі доўгія. Цела слаба апушана, чорнае, бурае, чырвона-жоўтае, жоўтае. Крылы празрыстыя. Галава трохвугольная, лоб выступае наперад. Вусікі кароткія з трох членікаў.
Жывуць у вільготных цяністых мясцінах, трапляюцца ў кронах дрэў, у хмызняках, на парасонавых і канюшыне. Зімуюць у глебе і сховішчах агародніны.
На Беларусі каля 14 відаў, найбольш пашыраны муха маркоўная (Chamaepsila rosae) і муха звычайная (Psila fimetaria).
Асаблівасці біялогііПравіць
За год 1—2 генерацыі. Лічынкі развіваюцца ў каранях або галінах раслін (некаторыя віды ўтвараюць галы).
