Škoda Felicia

Škoda Felicia
Агульныя даныя
Тып(ы) кузавы: 5‑дзв. хэтчбэк (5‑месн.)
5‑дзв. універсал (5‑месн.)
На рынку
Папярэднік
Infobox-jv-flechesg.png
Папярэднік
Пераемнік
Infobox-jv-flechesd.png
Пераемнік

Škoda Felicia (бел.: Шкода Феліцыя) — легкавы аўтамабіль чэшскай кампаніі Škoda Auto. Выпускаўся з 1994 па 2001 год. Першая мадэль Škoda, якую яна выпусціла пасля ўваходжання ў склад канцэрна Volkswagen Group.

Усяго выраблена 1 401 489 аўтамабіляў усіх мадыфікацый[1]. Машыны выпускаліся на заводах у Млада Болеславе, Врхлабі і Квасінах, таксама збіраліся ў Сараеве (Боснія) і Познані (Польшча).

ГісторыяПравіць

 
Škoda Felicia (1994–1998)

5 верасня 1994 года выйшла першая Škoda Felicia[2]. Афіцыйная прэм'ера адбылася праз месяц, у Празе. Вытворчасць пачалася 17 кастрычніка 1994 года на заводзе Škoda ў Млада Болеславе[3].

Канструктыўна ўяўляла сабой глыбокую мадэрнізацыю мадэлі Favorit: у канструкцыю было ўнесена некалькі сотняў змяненняў, прыкметна палепшылася якасць. Ранейшымі засталіся толькі асноўныя агрэгаты (сілавая канструкцыя кузава, базавы рухавік, трансмісія), а ўсе астатнія дэталі (вонкавыя панэлі кузава, інтэр'ер, дэталі падвескі і шмат іншае) былі новымі. Новыя заднія ліхтары дазволілі пашырыць праём багажных дзвярэй і апусціць яго да бампера, панізіўшы пагрузачную вышыню.

У чэрвені 1995 года на аўтасалоне ў Брно быў прадстаўлены ўніверсал Felicia Combi (пераемнік мадэлі Forman).

У 1995 годзе з'яўляецца мадыфікацыя рухавіка 1,3 з размеркаваным упырскам MPI, а з 1996 года ў шэраг дадаліся рухавікі Volkswagen: бензінавы 1,6 л і дызельны 1,9 л.

Статыстыка вытворчасці ў 1994 — 1996 гг
1994[4] 1995[5] 1996[6]
Felicia 10 602 189 358 238 958
Pickup 15 116[заўв. 1] 20 744
  1. ↑ Разам з Pick-Up папярэдняга пакалення
 
Škoda Felicia (1998–2001)

У 1998 годзе быў праведзены рэстайлінг. Пярэдняя частка была зроблена ў агульным стылі з мадэллю Octavia. Бамперы сталі больш масіўнымі і пафарбаванымі ў колер кузава. Акрамя таго, новыя бамперы зрабілі аўтамабіль крыху даўжэй (хэтчбек — на 28 мм і на 32 універсал). У салоне абнавілася цэнтральная кансоль, з'явіўся новы руль, палепшылася шумаізаляцыя. Гідраўзмацняльнік руля стаў уваходзіць у стандартнае абсталяванне для аўтамабіляў з рухавікамі 1,6 MPI і 1,9 D.

Апошні хэтчбек быў выраблены 20 чэрвеня 2001 года[1]. Было выраблена 915 853 хэтчбекі і 351 895 універсалаў[1].

Статыстыка вытворчасці ў 1997—2001 гг
1997[7] 1998[7] 1999[7] 2000[7] 2001[8]
Felicia 182 179 179 553 151 895 71 954 19 647
Felicia Combi 77 797 68 889 45 527 26 081 5 467
Pickup 32 132 27 847 17 182 17 743 3 981
Felicia Fun 468 2 338 586 600 —
Felicia Vanplus 850 2 405 1 306 440 —

МадыфікацыіПравіць

 
Škoda Felicia Combi

Felicia прапаноўвалася з двума базавымі тыпамі кузава: пяцідзверны хэтчбек і ўніверсал. Універсал меў арыгінальнае рашэнне: ад хэтчбека ён адрозніваўся падоўжанай задняй навіссю 350 мм; сама ж задняя частка, багажныя дзверы і ліхтары пры гэтым былі такія ж самыя як і ў хэтчбека.

хэтчбек Felicia універсал Felicia Combi
Даўжыня, мм 3855 4215
Шырыня, мм 1635
Вышыня, мм 1415
Колавая база, мм 2450
Дарожны прасвет, мм 120
Аб'ём багажніка, л 272-967 447-1366
Аб'ём паліўнага бака, л 42/47

Аўтамабіль прапаноўваўся ў двух варыянтах камплектацыі: стандартнай LX і палепшанай GLX, якая адрознівалася наяўнасцю тахометра на прыборнай панэлі (у базавай камплектацыі на яго месцы быў гадзіннік), процітуманнымі фарамі, велюравай абіўкай сядзенняў, кнопкай дыстанцыйнага адчынення багажных дзвярэй і падзельнымі заднімі сядзеннямі. Акрамя гэтага, Felicia магла быць абсталявана электрычным рэгуляваннем люстэркаў, цэнтральным блакаваннем замкоў, электрападаграваннем сядзенняў, кандыцыянерам, ABS, падушкамі бяспекі[9].

У 1995—1996 прапаноўвалі раскошную версію «Laurin & Klement». Прапанавалася ў абедзвюх версіях кузава: хэтчбек абсталёўваўся 1,3-літровым рухавіком магутнасцю 50 кВт, а ўніверсал атрымаў 1,6-літровы рухавік 55 кВт[10]. Заснаваная на камплектацыі GLX, яна мела ABS, падушкі бяспекі вадзіцеля і пасажыра, цэнтральны замок з сігналізацыяй, 14-цалевыя лёгкасплаўныя дыскі, люк на даху, абітыя скурай сядзенні і дзвярныя панэлі, абаграванне пярэдніх сядзенняў, люстэркі задняга віду з электрычным прывадам, радыё з картай бяспекі і бартавым кампутарам. З іншага боку, не было электрапрываду вокнаў — механізмы адкрывання заставаліся ручнымі[11]. Бамперы і люстэркі задняга віду былі афарбаваныя ў колер аўтамабіля. Combi пастаўляўся з багажнікам на даху.

Felicia VanPlusПравіць

 
Škoda Felicia VanPlus

На базе ўніверсала быў пабудаваны фургон Felicia VanPlus. Заднія бакавыя дзверы не мелі шкла, а зверху для павелічэння аб'ёму быў усталяваны пластыкавы дах-калпак. Аб'ём грузавога адсеку складаў 2,2 куб. м., а грузападымальнасць — 450 кг[12].

Было выраблена 5160 фургонаў Felicia VanPlus[1].

PickupПравіць

 
Škoda Pickup

У жніўні 1995 года быў прадстаўлены двухмесны Pickup (пазыцыянаваўся як асобная мадэль, без імя Felicia ў назве).

Грузападымальнасць — 500 кг. Мадэль прапаноўвалася з адкрытым кузавам альбо пластыкавай надбудовай, у апошнім выпадку — з заднімі двухстворкавымі дзвярамі. Аб'ём грузавога адсека з пластыкавай надбудовай даходзіў да 2,41 куб. м[13].

Выраблена 124 589 пікапаў[1].

Volkswagen Caddy (Typ 9U)Правіць

Volkswagen Caddy (Typ 9U)
Асноўны артыкул: Volkswagen Caddy

На некаторых рынках Volkswagen прапаноўваў шкодаўскі пікап пад маркай Volkswagen Caddy. Знешне адрозніваўся рашоткай радыятара, эмблемай «Volkswagen» і дыскамі колаў ад мадэлі Volkswagen Polo III (6N). Абсталёўвалася толькі рухавікамі Фальксвагена: бензінавым 1.6 MPI і дызельным 1.9 D.

Было выраблена 18 592 аўтамабіляў пад гэтай маркай[1].

Felicia FunПравіць

 
Felicia Fun

На Франкфурцкім аўтасалоне 1993 года Škoda паказала яркі пляжны пікап на базе мадэлі Favorit. Аналагічная версія на базе мадэлі Felicia была паказана на Жэнеўскім аўтасалоне 1996 года, а ў канцы 1997 года першыя машыны «Феліцыя Фан» паступілі ў продаж. Гэтая мадыфікацыя найперш прызначалася для экспарта ў краіны Паўднёвай Еўропы, але разам з тым, каля чвэрці вырабленых аўтамабіляў было прададзена ў Вялікабрытаніі.

Перагародка паміж кабінай і грузавой пляцоўкай раскладалася, утвараючы другі шэраг сядзенняў. Выбар колеру быў абмежаваны трыма адценнямі жоўтага — ад ярка-цытрынавага да гарчычнага, прычым аздабленне салона, руль, колавыя дыскі і цыферблаты прыбораў былі аднаго колеру з кузавам[14]. Фірмовы знак гэтай мадэлі — жаба, выява якой была намалявана на стойках кузава і сядзеннях.

Да 2000 года было выраблена 3992 машын версіі Fun[1].

MTX CabrioПравіць

 
MTX Cabrio

Чэшская кампанія MTX вырабляла кабрыялет на базе Škoda Felicia. За пярэднімі сядзеннямі для павышэння жорсткасці кузава ўсталёўвалася дуга бяспекі.

Выпускаўся ў 1997—2000 гадах, усяго зроблена каля 30 машын[15].

РухавікіПравіць

Felicia маглі абсталёўвацца як рухавікамі ўласнай распрацоўкі Škoda (1,3 л), так і рухавікамі Volkswagen (1,6; 1,9 л).

Рухавікі Škoda: з алюміневымі блокам і галоўкай цыліндраў, з ніжнім размяшчэннем размеркавальнага вала са штангавым прывадам клапанаў, ланцужным прывадам ГРМ. Акрамя карбюратара (ліцэнзійны карбюратар Pierburg) маглі абсталёўвацца ўпырскам паліва: аднакропкавым Bosch Monomotronic або сістэмай размеркаванага ўпырску Siemens Simos P2.

Рухавікі Volkswagen вядомыя па мадэлях Golf III і Polo III: бензінавы 1,6-літровы рухавік магутнасцю 75 к.с. і 1,9-літровы атмасферны дызель магутнасцю 64 к.с.

  • 1,3 BMM

  • 1,3 MPI

  • 1,6 MPI

  • 1,9 D

Рухавік Тып Сілкаванне Дыяметр цыліндра х Ход поршня Ст. сціску Магутнасць Макс. круцільны момант 0-100 км/г Макс. хуткасць
Бензінавыя:[16]
Š 781.135 Р4 1,3 л (1289 см³) карбюратар 75,5 мм × 72 мм 8,8:1 58 к.с. (43 кВт) пры 5000 аб/хв 94 Н•м пры 3000 аб/хв 15 с 145 км/г
Š 781.135 B Р4 1,3 л (1289 см³) аднакропкавы ўпырск 75 мм × 72 мм 9,5:1 54 к.с. (40 кВт) пры 4500 аб/хв 99 Н•м пры 2500 аб/хв 18 с 151 км/г
Š 781.136 B Р4 1,3 л (1289 см³) аднакропкавы ўпырск 75 мм × 72 мм 9,5:1 68 к.с. (50 кВт) пры 5000 аб/хв 100 Н•м пры 3250 аб/хв 16 с 155 км/г
Š 781.135 M Р4 1,3 л (1289 см³) размеркаваны ўпырск 75 мм × 72 мм 9,0:1 54 к.с. (40 кВт) пры 4500 аб/хв 99 Н•м пры 3000 аб/хв 15,5 с 155 км/г
Š 781.136 M Р4 1,3 л (1289 см³) размеркаваны ўпырск 75 мм × 72 мм 9,7:1 68 к.с. (50 кВт) пры 5000 аб/хв 106 Н•м пры 2600 аб/хв 13,5 с 162 км/г
AEE 1.6 MPI Р4 1,6 л (1598 см³) размеркаваны ўпырск 76 мм × 86,9 мм 9,8:1 75 к.с. (55 кВт) пры 4500 аб/хв 135 Н•м пры 3500 аб/хв 12 с 170 км/г
Дызельны:
AEF 1.9 D Р4 1,9 л (1896 см³) упырск 79 мм x 95,5 мм 22,5:1 64 к.с. (47 кВт) пры 4300 аб/хв 124 Н•м пры 2500 аб/хв 16,5 с 156 км/г

Трансмісія і хадавая часткаПравіць

Незалежна ад версіі рухавіка аўтамабілі абсталёўваліся 5-ступеньчатай механічнай каробкай перадач. Перадаткавыя лікі: I – 3,31; II – 1,92; III – 1,27; IV – 0,93; V – 0,72; задні ход – 2,92; галоўная перадача – 4,16. Прывад на пярэднія колы.

Падвеска: спераду — незалежная, тыпу МсPherson; ззаду — паўзалежная, з пругкай папярочнай бэлькай, падоўжнымі рычагамі, спружынамі і стабілізатарам папярочнай устойлівасці.

Тармазы: з узмацняльнікам, спераду — дыскавыя, ззаду — барабанныя.

У БеларусіПравіць

Большая частка продажаў прыйшлася на машыны з чэшскім 1,3 літровым карбюратарным рухавіком[17].

У 1996 годзе разглядалася магчымасць вытворчасці аўтамабіляў Škoda Felicia і Škoda Felicia Combi на Дзяржынскім заводзе «Аграмаш»[18][19].

Зноскі

  1. ↑ 1,0 1,1 1,2 1,3 1,4 1,5 1,6 Poslední Škoda Felicia byla vyrobena před 15 lety (чэшск.) . auto.cz (20 чэрвеня 2016). Праверана 3 верасня 2017.
  2. ↑ Dwie dekady koncernowej Skody Felicia (польск.) . motofakty.pl (17 верасня 2014). Праверана 2 верасня 2017.
  3. ↑ Před 25 lety se začala vyrábět Škoda Felicia. První výsledek spolupráce s VW (чэшск.) . auto.cz (17 кастрычніка 2019). Праверана 17 кастрычніка 2019.
  4. ↑ VOLKSWAGEN AG 1994 Annual Report (англ.) . Volkswagen AG. Праверана 15 лютага 2021.
  5. ↑ VOLKSWAGEN AG 1995 Annual Report (англ.) . Volkswagen AG. Праверана 15 лютага 2021.
  6. ↑ VOLKSWAGEN AG 1996 Annual Report (англ.) . Volkswagen AG. Праверана 15 лютага 2021.
  7. ↑ 7,0 7,1 7,2 7,3 ŠkodaAuto Annual Report 2000 (англ.) . Škoda Auto. Праверана 15 лютага 2021.
  8. ↑ ŠkodaAuto Annual Report 2001 (англ.) . Škoda Auto. Праверана 15 лютага 2021.
  9. ↑ Felicia — новый чешский фаворит // Авторевю : часопіс. — 1995. — № 9 (101). — С. 10. (руск.) 
  10. ↑ Škoda Felicia Combi 1.6 Laurin&Klement (чэшск.) . auta5p.eu. Праверана 2 верасня 2018.
  11. ↑ ŠKODA FELICIA JE PRVNÍ MODEL AUTOMOBILKY, KTERÝ DOSTAL LUXUSNÍ VERZI LAURIN & KLEMENT (чэшск.) . griptv.cz (24 ліпеня 2017). Праверана 2 верасня 2018.
  12. ↑ Felicia для мелких торговцев // Авторевю : часопіс. — 1996. — № 4 (120). — С. 5. (руск.) 
  13. ↑ Skoda PickUp: Млада-Болеславский коммерсант (руск.) . autocentre.ua (31 снежня 2009). Праверана 2 верасня 2017.
  14. ↑ ШКОДА-ФЕЛИЦИЯ ФАН // За рулём : часопіс. — 1998. — № 11. — С. 64. (руск.) 
  15. ↑ MTX Cabrio (чэшск.) . auta5p.eu. Праверана 30 сакавіка 2018.
  16. ↑ Škoda Felicia - Dane techniczne. auto-data.net/pl. Праверана 2 верасня 2017.
  17. ↑ Чья простота лучше? (руск.) . abw.by (26 лістапада 2006). Праверана 31 жніўня 2017.
  18. ↑ Белорусская Skoda? // Авторевю : часопіс. — 1996. — № 15 (130). — С. 2. (руск.) 
  19. ↑ Белорусский народный автомобиль. Реальные проекты и иллюзорные прожекты нашего автопрома (руск.) . tut.by (28 лютага 2016). Праверана 31 жніўня 2017.

ЛітаратураПравіць

  • Favorit сошел. Делайте ставки на Skoda Fеliсiа! // Авторевю : часопіс. — 1994. — № 21 (89). — С. 7. (руск.) 
  • Felicia — новый чешский фаворит // Авторевю : часопіс. — 1995. — № 9 (101). — С. 10-11. (руск.) 
  • "Фелиция" — дитя приватизации // За рулём : часопіс. — 1995. — № 6. — С. 16-17. (руск.) 
  • «Народный вагон» по-чешски // Авторевю : часопіс. — 1996. — № 15 (130). — С. 20-21. (руск.) 
  • В фавориты выходит "Фелиция" // За рулём : часопіс. — 1996. — № 7. — С. 65-67. (руск.) 
  • Octavia и Felicia в новых одеждах // Авторевю : часопіс. — 1998. — № 7 (170). — С. 13-14. (руск.) 
  • Окно в Европу // Клаксон : газета. — 2000. — № 23 (223). — С. 55-57. (руск.) 
  • Поквакал — и в кузов // За рулём : часопіс. — 2019. — № 11. — С. 90-93. (руск.) 

СпасылкіПравіць

Гл. таксамаПравіць

Узята з "https://be.wikipedia.org/w/index.php?title=Škoda_Felicia&oldid=3792883"