Іван Дзмітрыевіч Каламійчанка
Іван Дзмітрыевіч Каламійчанка (25 лістапада 1914, Бахмач, Чарнігаўская губерня, Расійская імперыя — 1964) — камандзір 800-га стралковага палка 143-й стралковай дывізіі 47-й арміі 1-га Беларускага фронту, падпалкоўнік, Герой Савецкага Саюза.
| Іван Дзмітрыевіч Каламійчанка | |||||||
|---|---|---|---|---|---|---|---|
 | |||||||
| Дата нараджэння | 25 лістапада (8 снежня) 1914 | ||||||
| Месца нараджэння | |||||||
| Дата смерці | 1964 | ||||||
| Месца смерці | |||||||
| Месца пахавання | |||||||
| Грамадзянства | |||||||
| Прыналежнасць |
 СССР |
||||||
| Род войскаў | пяхота | ||||||
| Званне | падпалкоўнік | ||||||
| Бітвы/войны | Вялікая Айчынная вайна | ||||||
| Узнагароды і званні |
|
||||||
Біяграфія правіць
Нарадзіўся ў сям’і рабочага. Украінец. У 1935 годзе скончыў тэхнікум камуністычнай асветы ў г. Ніжын Чарнігаўскай вобласці. Працаваў райупаўнаважаным па нарыхтоўках у Чарнігаўскай вобласці. Член КПСС з 1940 года. У Савецкай арміі ў 1936—1937, у красавіку—лістападзе 1939 і са студзеня 1940 года. Скончыў курсы малодшых лейтэнантаў пры Кіеўскім пяхотным вучылішчы.
Удзельнік Вялікай Айчыннай вайны з чэрвеня 1941 года.
У 1943 годзе скончыў Ваенную Акадэмію імя Фрунзэ.
Камандзір 800 стралковага палка (143-я дывізія, 47-я армія, 1-ы Беларускі фронт) падпалкоўнік Каламійчанка адрозніўся ў Вісла-Одэрскай аперацыі. 15 студзеня 1945 года яго полк прарваў доўгачасовую абарону праціўніка каля населенага пункта Хатомаў (Польшча), у ноч на 16 студзеня фарсіраваў Віслу і заняў плацдарм на левым беразе, чым спрыяў пераадоленню воднай мяжы часцямі дывізіі.
Указам Прэзідыума Вярхоўнага Савета СССР ад 6 красавіка 1945 года за мужнасць і гераічнасць, выяўленыя пры фарсіраванні Віслы і ўтрыманне плацдарму на яе заходнім беразе, падпалкоўніку Івану Дзмітрыевічу Каламійчанку прысвоена званне Героя Савецкага Саюза з уручэннем ордэны Леніна і медалі «Залатая Зорка».
Пасля вайны працягнуў службу ў арміі. З 1960 года палкоўнік у адстаўцы.
Памёр у 1964 годзе. Пахаваны на Машэкаўскіх могілках горада Магілёва[1]. У 1965 годзе на магіле пастаўлена стэла[2].
Узнагароды правіць
- Медаль «Залатая Зорка» (№ 5709) — 6 красавіка 1945 года;
- Ордэн Леніна — 6 красавіка 1945 года;
- Тры ордэны Чырвонага Сцяга;
- Ордэн Айчыннай вайны I ступені;
- Медалі.
Увекавечванне памяці правіць
- Яго імем названа вуліца ў горадзе Канатоп Сумскай вобласці.
- У горадзе Ніжыне на будынку вучылішча культуры і мастацтва імя Марыі Занькавецкай устаноўлена мемарыяльная дошка.
Зноскі
- ↑ Могілак г. Магілёва (Беларусь).
- ↑ 31. Магіла Каламійчанкі // Збор помнікаў гісторыі і культуры Беларусі / АН БССР. Ін-т мастацтвазнаўства, этнаграфіі і фальклору; Рэд. кал.: С. В. Марцэлеў (гал. рэд.) і інш. — Мн.: БелСЭ, 1986. — Магілёўская вобласць. — 408 с., іл.
Спасылкі правіць
- Іван Дзмітрыевіч Каламійчанка на сайце «Героі краіны»