Іван Канстанцінавіч Слесараў

Іван Канстанцінавіч Сле́сараў (руск.: Иван Константинович Слесарев; 30 лістапада 1926 — 1 красавіка 1998) — вучоны ў галіне жывёлагадоўлі, доктар біялагічных навук (1972), прафесар (1977).

Іван Канстанцінавіч Слесараў
руск.: Иван Константинович Слесарев
Дата нараджэння	30 лістапада 1926(1926-11-30)
Месца нараджэння	Ілек, Q30893574?, Уральская губерня[d], КазАССР, РСФСР, СССР
Дата смерці	1 красавіка 1998(1998-04-01) (71 год)
Грамадзянства	СССР  Беларусь
Род дзейнасці	навуковец
Навуковая сфера	жывёлагадоўля
Месца працы	МДУ Навукова-практычны цэнтр НАН Беларусі па жывёлагадоўлі
Навуковая ступень	доктар біялагічных навук (1972)
Навуковае званне	прафесар
Альма-матар	Арэнбургскі дзяржаўны аграрны ўніверсітэт[d]

Біяграфія

Нарадзіўся ў горадзе Ілек Ілекскага павета Уральскай губерні Казакскай АССР (сучаснае сяло, адміністрацыйны цэнтр Ілекскага раёна Арэнбургскай вобласці Расіі). Скончыў 7 класаў школы і ў 1942 годзе паступіў вучыцца ў Ілекскі заатэхнічны тэхнікум. Удзельнік Вялікай Айчыннай вайны. З лістапада 1943 года па май 1944 года праходзіў ваенную падрыхтоўку, скончыў школу снайпераў у Бузулуку і праходзіў службу ў складзе 417-й стралковай Чырванасцяжнай Сівашскай дывізіі 1-а Прыбалтыйскага фронту. Удзельнік вызвалення Прыбалтыкі і Беларусі.

У 1947 годзе скончыў Ілекскі заатэхнічны тэхнікум, у 1952 годзе — Арэнбургскі сельскагаспадарчы інстытут (сучасны Арэнбургскі дзяржаўны аграрны ўніверсітэт). У 1956 годзе скончыў аспірантуру і ў 1956—1961 гадах працаваў старшым навуковым супрацоўнікам на Аграбіялагічнай станцыі Маскоўскага дзяржаўнага ўніверсітэта.

З 1961 года І. К Слесараў у Беларускім навукова-даследчым інстытуце жывёлагадоўлі.

Навуковая дзейнасць

Аўтар навуковых прац па па бялковым кармленні сельскагаспадарчай жывёлы з выкарыстаннем сінтэтычных азоцістых рэчываў, арганічных кіслот, смакавых дабавак хімічнага і мікрабіялагічнага сінтэзу.

Аўтар больш за 160 навуковых прац. Адзін з аўтараў патэнта «Кормовая добавка для животных».

Пад кіраўніцтвам І. К. Слесарава абаронены 34 кандыдацкіх і доктарскіх дысертацый.

Сярод апублікаваных прац:

• Минеральное питание крупного рогатого скота. — Мн., 1987. (разам з А. С. Зяньковым);
• Минеральные источники Беларуси для животноводства. — Мн., 1995. (разам з М. У. Пілюком).

Узнагароды

Узнагароджаны шэрагам медалёў за баявыя і працоўныя заслугі, ганаровымі граматамі Вярхоўнага Савета БССР, НДІ жывёлагадоўлі, Міністэрства сельскай гаспадаркі БССР.

Літаратура

• Слесараў Іван Канстанцінавіч // Беларуская энцыклапедыя: У 18 т. Т. 15: Следавікі — Трыо / Рэдкал.: Г. П. Пашкоў і інш. — Мн. : БелЭн, 2002. — Т. 15. — С. 6. — 10 000 экз. — ISBN 985-11-0035-8. — ISBN 985-11-0251-2 (т. 15).

Спасылкі

• Иван Шейко По рецептуре Ивана Слесарева (руск.) // Навуковая, вытворча-практычная газета Беларусі «Навука», № 49 (2620) 5 снежня 2016 г.